Naaksidente ang aktor na si John Lloyd Cruz habang nagba-bike sa bandang Sta. Juliana, Capas, Tarlac, kaninang tanghali, February 20.
Sa unang ulat na inilabas ng PEP.ph (Philippine Entertainment Portal) kanina, nabanggit na kasama ni John Lloyd ang kasintahang si Angelica Panganiban sa aksidente.
Ngunit agad naman nilinaw ng Star Magic, sa pamamagitan ng isang maiksing statement, na hindi kasamang naaksidente si Angelica.
“Angelica was present at the shoot but was not part of the scene and not involved in the accident.”
Sa isang larawan na na-feed sa PEP, makikita na ang aksidente ay nagdulot ng matinding gasgas sa kaliwang bahagi ng mukha ni John Lloyd.
Dinala naman agad sa pinakamalapit na ospital ang aktor upang sumailalim sa agarang medical treatment.
“He is fine and in good condition,” dagdag pa ng talent arm ng ABS-CBN.
Nagpasalamat din ang Star Magic sa mga nag-alala kay John Lloyd.