"Perfect" kung ilarawan ni John Prats ang relasyon nila ng girlfriend niyang si Isabel Oli.
Saad ni John, “We’re getting ano... kumbaga, yung relationship namin, I can attest that it’s a perfect relationship.
"For me, siya yung babaeng hinahanap ko, and nasa akin na at hindi ko na siya papakawalan."
Masasabi ba niyang hindi perfect ang kanyang naging past relationships?
Sagot ng Kapamilya actor, “Well, siguro ano, lahat naman ng ex ko, naging masaya rin naman, e.
“But this time, siguro nahanap mo lang yung perfect match mo, yung parang kung mag-away kami, sobrang liit na bagay lang.
"But, nahanap ko yung gusto ko. Nahanap ko yung sarili ko to be with this person for the rest of my life."
Eksklusibong nakausap ng PEP.ph (Philippine Entertainment Portal) si John sa launching ng Nokia X, ang pinakabagong mobile phones ng Nokia, noong Sabado, March 29, sa San Miguel By The Bay ng SM Mall of Asia, Pasay City.
READY FOR MARRIAGE? Handa na ba silang lumagay sa tahimik ni Isabel?
Sagot ni John, “Well, anytime soon.
“Wala naman na akong hinihiling, e, yun na lang talaga—to have my own family.”
Thirty years old na ngayon si John, kaya nasa tamang edad na rin daw siya para mag-asawa.
Pero hindi pa raw siya nagpu-propose kay Isabel, 32.
Sabi nito, “I can assure you na siya ang unang makakaalam, then after nun, kayo na [media]. Siyempre baka ma-preempt, ‘di ba?”
Napag-usapan na rin daw nilang dalawa ang tungkol dito.
Nakilala na raw ni John ang buong angkan ni Isabel mula sa Cebu at sa Singapore.
Dagdag pa niya, “Of course, everyone, even in Singapore, napuntahan na namin.
"Medyo hiwa-hiwalay pamilya niya, e, kasi, kumbaga, lahat kasi may kanya-kanyang trabaho na.
"Pero masaya, masaya, big family meron siya."
A VERY PRIVATE, INTIMATE WEDDING. Kung sakali raw magpakasal na sila, ang gusto nila ay pribadong kasalan.
Ani John, “Well, definitely a very private wedding. And intimate.
“With the people who are really close to us lang.
"Catholic ako, Christian siya, so most probably, we’ll have two weddings."
Pagdating naman sa pagpaplano ng kasal, si Isabel na raw ang bahala rito.
Saad niya, “Well, pagdating dun, siya na ang bahala.
"It’s not about me, it’s her day, so ako lang ang sasagot.
"Pero kung ano yung dream wedding niya, ibibigay ko."
Si Isabel na nga ba ang babaeng gusto niyang makasama habang buhay?
“Oo naman. Oo naman,” mabilis na sagot ni John.