Engaged na ang aktres at fashion blogger na si Saab Magalona sa kanyang boyfriend na si Jim Bacarro, isang musician.
Si Saab, 25, ay kapatid nina Maxene at Elmo Magalona, at anak ni Pia Magalona at ng yumaong Master Rapper na si Francis Magalona.
Naganap ang proposal ni Jim kay Saab sa Japan noong March 29, Sabado.
SURPRISE PROPOSAL. Kuwento ni Saab sa kanyang Instagram account (@saabmagalona), ang akala niya ay nagpi-picture-taking lang sila ng kanyang boyfriend nang biglang mag-propose ito sa kanya.
“I thought we were just taking photos and then he said he wanted to ask me something. This is my "ha?" face. I can't believe I'm now engaged!!! I LOVE YOU@jimbacarro. thank you for proposing in my dream destination (Japan) and in front of my family (who took so many photos and videos hahaha). So much love!!”
Sa Instagram account naman ni Maxene Magalona (@maxenemagalona) ay nag-post siya ng larawan ng proposal ni Jim kay Saab na may ganitong caption:
“She said yes! Congratulations, Saab and Jim! You guys were made for each other.”
Makalipas ang apat na araw, noong April 2, nag-post naman si Maxene ng maiksing video ng aktuwal na proposal ni Jim kay Saab:
Ito ang caption ng nasabing video: “Oh, and Tokyo will forever be memorable for our whole family bec of this very special moment. Congratulations once again to @saabmagalona and my soon to be brother-in-law, @jimbacarro! I love you both so much and I know deep in my heart how much you guys are so meant to be. I can't imagine a person better suited to be my sister's husband than Jim. Can't wait to see your future babies!!!!”
Nagpahayag din ng kasiyahan ang ina ni Saab na si Pia sa engagement ng anak sa kanyang Instagram account (@piamagalona):
“I love you Saab and Jim! You have my blessings.”
Sina Saab at Jim ang dagdag sa humabaha nang listahan ng celebrity couples na kundi man nagpakasal ay naging engaged ngayong 2014.
Noong Enero ay nagpakasal sina Drew Arellano at Iya Villania.
Nito namang Marso ay nagpakasal na rin sina Karylle at Yael Yuzon, ang vocalist ng bandang Spongecola.
Ilang linggo rin lang ang nakalilipas nang mag-propose ang basketball player na si JC Intal sa TV host na si Bianca Gonzalez.