Nanatiling matatag at matibay ang relasyon ng magkasintahang Chito Miranda at Neri Naig sa kabila ng pinagdaanan nilang napakalaking kontrobersiya.
Nang kumalat ang sex video ng lead singer ng Parokya ni Edgar at ng aktres noong 2013, marami ang nag-akala na posibleng ikasira ito ng pagsasama nila.
Ngunit hawak-kamay na hinarap ng dalawa ang nasabing kontrobersiya at matagumpay naman nila itong nalagpasan.
Ngayon, napapanood na sa ilang TV shows si Neri.
Samantalang ang Parokya ni Edgar ay nagkamit ng pinakamataas na karangalan sa nakaraang Myx Music Awards 2014—ang Myx Magna Award na ipinagkakaloob sa isang singer o grupo na nagbigay ng malaking kontribusyon sa larangan ng musika.
Hindi pa rin nga makapaniwala si Chito sa karangalan na pinagkaloob sa grupo nila.
Sabi niya sa PEP.ph (Philippine Entertainment Portal), “We didn’t expect it and for us to get something prestigious.
“Grabe! Kung alam ninyo ang mga nanalo sa award na ito, sobrang karespe-respeto—Lea Salonga, Ryan Cayabyab, Eraserheads...
“Ayaw nga naming tanggapin kasi masyadong prestigious.
"'Tapos nung ginagawa nila yung tribute, 'Malapit na ba kaming mamatay?' Hahaha!"
OVERWHELMED BY SUPPORT. Labis naman ang pasasalamat ni Chito sa mga taong sumuporta sa kanila ng kasintahan.
Sabi niya, “We’re really thankful.
"Siyempre, 'di namin magagawa yun without the support of the people, e.
“Nagpapasalamat kami na they proved to us na as long as you remain strong and you remain true to yourself, malalagpasan mo.
“Siyempre, there will be bashers. We just ignore them, better ignore. You can’t control that.
“Life is more beautiful 'pag 'di mo pansinin ang mga ganun, e.
“'Pag nagpaapekto ka, you won’t push forward.
"Ever since it started, lahat na ng intriga... either drug addict ako... napagdaanan ko na lahat 'yan, e.
"She’s a very strong girl and we were there for each other."
HURDLING THE TRIAL. Naniniwala si Chito na may dahilan kung bakit nangyari ito sa kanila ni Neri.
“Yeah, lahat naman ng nangyayari, I believe may bigger reason 'yan, e.
“For us, we saw who our friends really are. We saw the support of our family more than we were expecting.
“Alam namin na mahal nila kami, pero yung trial, you’ll really see who your real friends are.
"And you'll see how important family is and all that stuff."
Sa ngayon ay unti-unti nang namamatay at natabunan ng iba pang balitang showbiz ang kontrobersiyang kinasangkutan nina Chito at Neri.
Pero ayon kay Chito, sa simula pa lang ay hindi na nakaapekto sa kanya at ang mas iniisip niya ng mga panahon na yun ay si Neri.
“Yeah, actually we just joke around.
“I’m more concerned about Neri more than anything.
"Pero with my band, day one pa lang, pinagtatawanan na nila ako about it.
“Nobody really cared about it. Wala silang pakialam.
"My primary concern was Neri because siya yung babae.
"Of course, you have to be strong, but when it comes to my work or my bandmates, wala.
“Wala silang pakialam.
"Up to now, niloloko nila ako, joke na lang talaga para sa kanila, e.”
NO WEDDING PLANS YET. Sa isang tweet noon ni Chito, kung saan tinawag nitong "Mrs. Chito Miranda" si Neri, ay inakala ng iba na maaaring lihim na silang nagpakasal nito.
Ngunit paglilinaw ni Chito, “I think it’s normal naman for couples to do that, na ang tawag mo sa girlfriend mo, 'asawa' mo.
“I think they make a fuss out of it, I guess, because of social media. And a lot of followers siguro nagulat but I think it’s normal.
“Kahit nung high school kami, tawag namin sa mga girlfriends namin, misis mo, ganun.
"It’s a normal thing to us, but people took it seriously."
May balak na ba silang magpakasal?
Aniya, “Hopefully, we all dream about... we all hope naman na when you’re in a relationship, na ‘yan na yung totoo, na siya na talaga.
"Secret ko pa lang ‘yan, nasa ulo ko pa lang talaga kung kailan."
ON EX-GF KAYE ABAD. Bago niya naging girlfriend si Neri ay naging kasintahan muna ni Chito si Kaye Abad. Tumagal ng mahigit limang taon ang kanilang relasyon.
Bagamat nauwi sa breakup ang kanilang relasyon, napanatili pa rin ng dalawa ang pagiging magkaibigan.
Sabi ni Chito, “We’re very good, magkaibigan pa rin, kami kasi ang tagal din naming nagsama.
“People make stories about everything.
"We’re just friends, we post our picture in Instagram, kasi people make a big deal about it.
"Pero kami, we never care about it.
“It’s just a picture of friends.”
“Of course, at siya rin 'pag ikinasal siya, dapat imbitado ako.”
Ayaw namang magkomento ni Chito tungkol sa breakup ni Kaye at ng singer-actor na si Guji Lorenzana.
“Sa kanila na yun.
"Whatever na pinagdaanan nila, maging friends man sila or whatever, ayokong makialam.
"Ayokong mag-comment sa ganyan, e."