Panandaliang nagbalik sa Pilipinas ang dalagang anak nina Gretchen Barretto at Tonyboy Cojuangco na si Dominique Cojuangco para sa launch ng kanyang bagong endorsement.
Si Dominique ay isa sa mga bagong mukha ng Bench Body, kasama sina Addie Manzano at Sam Rodriguez.
Sila ang endorsers ng Bench Whitening Lotion, na inilunsad din noong Biyernes, April 4, sa Playground, Bench Tower, Bonifacio Global City, Taguig City.
Si Addie Manzano ay isa sa dalawang anak ni Edu Manzano sa dating model na si Rina Samson.
Si Sam Rodriguez naman ay isa sa dalawang anak na naulila ng yumaong screen idol na si Miguel Rodriguez.
Noon pa raw nabibigyan ng offer si Dominique, pero hindi niya ito tinatanggap dahil may conflict sa schedule niya sa eskuwela.
Pero iba raw ang endorsement deal niya sa Bench dahil tamang-tama sa pananatili niya sa London habang nag-aaral.
“I always walk around London, everybody walks there, so it’s nice to have SPF when going out.”
Sa panayam ng PEP.ph (Philippine Entertainment Portal) at iba pang miyembro ng press, nilinaw ni Dominique na ang pagtanggap niya ng endorsement ay hindi ibig sabihin na papasukin na niya ang showbiz.
Aniya, “I haven’t thought about it yet.
"Right now, I’m focusing on my studies.
“If it comes, I don’t see why I would say no.”
Hindi itinanggi ng dalagang anak ni Gretchen na matagal na siyang interesado sa show business.
Sabi niya, “I’ve always been interested in showbiz because I’ve always been behind the scenes with my mom.
“I’ve seen how everything works and I love the vibe.
"Everybody’s vibe is like a positive vibe that they have for work, and everyone seems enthusiastic and I love that.”
Kung sakali, handa na ba si Dominique na humarap sa mga intriga?
Sagot niya, “I think my family has always been a part of intrigues.
“Having to hear them myself, I’m getting used to that.
“So, I think I’ve always been ready.”
Sa hiwalay na panayam sa ina niyang si Gretchen, sinabi nitong mas gusto niyang mag-focus muna si Dominque sa kanyang pag-aaral bago pumasok sa showbiz.
Saad ng aktres, “Right now we're spending a lot in sending her to school.
"I want her to be a very, very successful international designer, you know what I mean?
"That's what I dream for her."
Subalit hindi raw magiging problema kay Gretchen kung sakaling maisipan ng kanyang 19-year-old daughter na pasukin din ang showbiz, 'tulad niya.
“But, of course, ito ang buhay na kinagisnan ko and, you know, she's always a part of show business.
"I'm in show business and Julia [Barretto, ang kanyang pamangkin] is, and my family is,” sabi ni Gretchen.
Read: Gretchen Barretto firm on decision to clam up about family feud: "I've said my piece."
NOT PART OF INTRIGUES. Kilala ang mga Barretto sa local showbiz, hindi lang dahil sa mga nagawa nilang proyekto kundi dahil rin sa mga intrigang kinasasangkutan nila.
Noong nakaraang taon ay naging mainit ang isyu sa pagitan ng magkakapatid na Gretchen, Marjorie, at Claudine Barretto.
Sa kabila nito, sabi ni Dominique, hindi siya dapat madamay sa isyu ng kanyang ina at mga kapatid nito.
Kaya raw siya nananatiling tahimik lamang tungkol dito.
Katuwiran niya, “If it doesn’t include me, then it’s not something I should worry about or something that people should pull me into.
“So, I don’t like bringing myself in a situation where I wasn’t a part of.”
Umaasa si Dominique na maaayos ang isyu, pero igagalang daw niya ang anumang mapagdesisyunan ng kanyang ina at mga tiyahin.
“I feel like everybody wants that [peace].
“Nobody wants hate in their heart. Everybody wants love.
“But if what’s best for them is to stay apart, that’s up to them, I have no say.
“I think it’s up to them. Whatever they choose, I’ll be fine with it.”
Kinabukasan, April 6, matapos ang launch, bumalik na si Dominique sa London, kung saan kumukuha siya ng kursong Fashion Design.