Pagkatapos ng Adarna, may bagong teleserye na namang gagawin si Benjamin Alves sa GMA Network.
Ito ay ang Kahati Sa Langit, kung saan makakasama niya sina Glaiza de Castro, Chynna Ortaleza, at ang child actor na si David Remo, na kinagiliwan nang unang ipakilala at magbida sa Binoy Henyo.
Sabi ni Benjamin tungkol sa kanyang next project, “I heard it’s heavy drama. That’s as much as I know about the show.
“Dapat magwu-workshop kami last week, pero hindi natuloy, e.
“I’m sure inaayos pa yung script. Inaayos pa yung mga character.
“Pero siguro this week, magwu-workshop na kami.
“Basta me, Glaiza, and Chynna, we already know at nag-uusap na kami na magkakasama kami sa show.”
Handa na raw siyang sumabak muli sa trabaho. Hinihintay lang nila na maayos ang kanilang taping schedules.
“I heard we’re airing on May. Dapat nag-start na kaming mag-taping.
“Kaso may Holy Week, so I don’t know.”
Ano ang plano niyang gawin sa ilang araw na bakasyon this Lenten Season?
“I’m gonna take up diving lesson sa Anilao, Batangas. Kami-kami lang ng friends ko.”
Nakapanayam ng PEP.ph (Philippine Entertainment Portal) si Benjamin sa Sunday All Stars noong Linggo, April 6.
FATHER ROLE. May idea na ba siya sa kanyang magiging role sa Kahati Sa Langit?
“I’m assuming, kasi kasama si David, that somehow may koneksiyon kami.
“Sana brothers lang, hindi ko siya anak!” sabay tawa ni Benjamin.
Dagdag niya, “But okay lang kung magiging mag-ama ang role namin. Okey lang naman.
“In the past, hindi pa ako nakapag-portray ng father role, kaya okey lang sa akin.
“I’m very happy. I’m very open to it.
“Ang ano ko lang… si David o si Binoy, six or seven years old yata.
Sabi ko, ‘Naku, I’m only 25!’”
Maging mahirap kaya para sa kanya na gumanap bilang isang ama?
Sagot ni Benjamin, “No. Kasi ano naman, e, ano lang naman ‘yon… yung relationship na ‘yon, it’s love, e. Brotherly love.
“I have a brother and I have nephews naman.
"Although it’s very different kung anak mo siya.
“What more kung ampon… I don’t know.
“Basta naman may love aspect, yung may care, yung may nurture na ninu-nurture mo yung tao, okey lang.”
SEXY BODY. Kapansin-pansin na mas gumanda pa ang kanyang katawan ngayon. Nag-effort daw siya talaga na ma-achieve ito.
“I’m training for triathlon,” sabay ngiti ni Benjamin.
Pang-sexy roles na talaga ang dating niya.
Tugon niya rito, “Okey lang naman sa akin yung sexy o daring roles. Wala namang problema ‘yon.
“Kasi, I mean, you know, you get to that stage, e.
“And if that’s the trajectory na do’n ako pupunta, at kung maayos naman ang script, okey lang naman sa akin.
“Hindi naman… I’m not getting any younger.
“So, kailangan din ng growth.”
UNCLE PIOLO. Nagkikita pa ba sila regularly ng uncle niyang si Piolo Pascual?
Sabi ni Bejamin, “Nagkita kami last time sa birthday ng auntie ko, kapatid niya. That was before siya mag-taping ng bagong soap niya.”
How does he feel ngayong may sarili na siyang identity bilang isang Kapuso actor at hindi bilang pamangkin ni Piolo?
Sagot niya, “Basta sa akin, you do your job, and you try do it the best you can. That’s the only goal.
“That’s nice na they see me as a Kapuso actor. For that alone, nakakatuwa kasi nababanggit na GMA.
“And that’s fine, that’s a good thing for me. That makes me feel great.
“Not for the fact na, ‘Uy, hindi na ako tinitingnan na pamangkin ni Piolo.’
“Nakakataba talaga ng puso na napi-place ka as a Kapuso artist.”