Plano ni Jasmine Curtis Smith na magbakasyon ngayong Holy Week, pero nang makausap siya ng PEP.ph (Philippine Entertainment Portal) at ng entertainment press sa kanyang birthday sa live telecast ng SPINNation ng TV5, noong April 5, ay hindi pa niya alam kung saan siya pupunta.
Ani Jasmine, naging busy kasi siya sa shooting ng pelikula niya kasama ang Superstar na si Nora Aunor, ang Dementia, kaya hindi siya agad nakapag-research kung saan siya pupunta ngayong Semana Santa.
Kung tutuusin nga raw ay hindi pa sila masyadong nakapag-usap ng nakatatandang kapatid na si Anne Curtis, na nang mga panahong iyon ay nagpapagaling matapos madikitan ng box jellyfish o dikya.
Read: Anne Curtis on box jellyfish sting: "I thought I was going to die."
Saad ni Jasmine, “Sobrang busy namin, hindi na nag-aabot yung schedule namin, so okay lang naman.
“Sari-sarili ding time, because sometimes we take family time naman.
“The special occasions to really celebrate are New Year and Christmas.
"Dun naman talaga kami nagkakasundo na kailangan yun yung time magkasama kami."
Sa kanyang Twitter account (jascurtissmith), sinabi ni Jasmine na hindi niya makakasama ang kanyang pamilya sa bakasyon ngayong Holy Week dahil may sarili silang plano.
Si Anne ay kasalukuyang nasa Myanmar; kasama ang boyfriend na si Erwan Heussaff, ang kapatid ni Erwan na si Solenn Heussaff, at ang boyfriend ni Solenn na si Nico Bolzico.
Sa live airing ng show ni Jasmine sa Kapatid Network ay mayroong video greeting si Anne, kung saan sinabi nitong poprotektahan niya ang nakababatang kapatid.
Ano ang reaksiyon ni Jasmine dito?
Tugon niya, “I’m very thankful.
"It’s a very natural thing for sisters to want to protect their little sisters. There’s no surprise there.
“I’m thankful that she is willing to be judged for protecting me and I love her.
“People can judge her all they want, but she’s an open book.”
Samantala, sinabi ni Jasmine na nakaalis na siya sa anino ng kanyang kapatid.
Sa kanyang Twitter, isang follower ng Kapatid star ang nagtanong kung naniniwala ba siyang nasa anino pa siya ng kanyang Ate Anne.
Sagot ni Jasmine: “Perhaps I once did. But I think I've leaped away from it and now on my own but still standing beside her.”
Bukod sa Dementia at upcoming drama series sa TV5, ibinunyag ni Jasmine na ngayong Abril ay sisimulan na rin ang shooting ng isa pa niyang pelikula, subalit tumanggi siyang magbigay ng iba pang detalye tungkol dito.