Sa kabila ng kontrobersiyang kinasangkutan ni Sam Concepcion at ni Anne Curtis, tila hindi naapektuhan ang relasyon ng Kapamilya singer-actor sa kapatid ng Dyesebel star na si Jasmine Curtis Smith
Kung pagbabasehan ang kanilang Twitter at Instagram messages, nananatiling maayos ang relasyon nina Sam at Jasmine.
Noong April 6, sa mismong 20th birthday ni Jasmine, ay nag-post ng larawan si Sam sa kanyang Instagram account (@sam_concepcion) para batiin ang rumored girlfriend.
Caption ni Sam dito: “Before the night ends, just want to wish you @jascurtissmith a happy birthday!!! I don't know anyone as beautiful and as lovely as you are. Thank you for everything. Know that I'm here for you always,” na sa dulo ay may heart icon pa.
Kahapon naman, April 14, nag-post ng larawan sa kanyang Instagram si Jasmine (@jascurtissmith), kung saan magkasama sila ni Sam sa tila loob ng recording studio.
Ang simpleng caption niya sa larawam, kung saan pareho silang nakangiti: “Studio time.”
Sa Twitter account naman ni Jasmine (@jascurtissmith) ngayong araw, April 15, sa question-and-answer game na #AskJas—kung saan sasagutin ng Kapatid actress ang mga tanong ng kanyang followers—tinanong ni Sam si Jasmine kung sino kina Justin Bieber at Austin Mahone ang pipiliin niya.
Si Justine ay ang sikat na Canadian pop singer, habang si Austin ay nagsisimula pa lang na American pop singer.
Sa halip na mamili sa dalawa, ang reply ni Jasmine kay Sam sa Twitter: “Ikaw.”
@sam_concepcion Ikaw 😊
— Jasmine (@jascurtissmith) April 14, 2014
Natuwa naman si Sam sa sagot ni Jasmine, base sa tweet ng una.
“@sam_concepcion: @jascurtissmith ahihihi kv”
— KATE LESLIE ✌️⭐️ (@keeyttguevarra) April 14, 2014
Sa social media, ang ibig sabihin ng “KV” ay kilig vibes.