Matapos aminin ni Kris Aquino ang pagdi-date nila ni Quezon City Mayor Herbert Bautista, inilarawan niya ang relasyon nilang dalawa bilang “BEST OF FRIENDS.”
Ito ay inihayag niya sa kanyang Instagram account (krisaquino214) kagabi, April 22.
Sa kanyang huling post, pinasalamatan ni Kris si Mayor Herbert para sa mga bote ng energy drink.
“I got home & saw all the Gatorade waiting for me. Thank You HB! (Sorry I broke my rule about not mentioning him in my IG account. ☺️),” sabi ni Kris sa caption.
Bahagi rin nito ang paglalahad niya tungkol sa pagiging mabuting magkaibigan nilang dalawa.
“We're not a 'couple' but we are the BEST OF FRIENDS. And in this uncertain world, we're sure to be FRIENDS FOR LIFE. That's actually what we started as, it's where we are most comfortable being, and for whatever tomorrow may still bring, true & lasting friendship is always the best foundation... May I quote my favorite song? 'Thanks to you for teaching me how to live, putting things in perspective. Teaching me how to give, and how to take, no mistake...' I grew up a lot this 2014 & he had a big role in what I am today. #noregrets #stillbelieveinlove #someday 😇💛💛💛 GOOD NIGHT.
Dahil sa pahayag na ito ni Kris, mas tumindi ang hinalang "break" na sina Kris at Mayor Herbert.
Nagsimula ito nang pinagupitan ni Kris ang kanyang buhok nang maikli at nag-post ng mga nakakaintrigang mensahe sa kanyang Instagram account.
Noong April 21 ay nag-post siya ng isang quote mula sa fashion icon na si Coco Chanel: "A woman who cuts her hair is about to change her life."
Dagdag pa niya: "I cut off more than a foot, so I'm super ready for my life change!"
Read: Kris Aquino gets a pixie hairdo
Kahapon naman, April 21, isinulat ni Ricky Lo sa kanyang column sa Philippine Star na itinigil na raw ni Mayor Herbert ang panliligaw sa bunsong kapatid ni Presidente Noynoy Aquino.
“[Herbert was], forced into it no doubt by the unpleasant write-ups against him,” sabi pa ng entertainment columnist.
Kasunod kasi ng pag-amin ni Kris ng pagdi-date nila ni Mayor Herbert ay ang mga espekulasyon na may bahid ito ng pulitika.
Read: Kris Aquino admits relationship with Quezon City Mayor Herbert Bautista
RUSHED TO HOSPITAL. Marahil, ang pagpapadala ng energy drink ni Mayor Herbert kay Kris ay kaugnay ng pagkakaospital ng Kapamilya TV host-actress kahapon.
Sa nightly talk show niyang Aquino & Abunda Tonight, ikinuwento ni Kris ang dahilan ng pagkahinto ng taping nila sa morning show niyang Kris TV.
"Nahilo ako, as in, major pagkahilo while taping in Intramuros. First time ko ma-experience yung ganoong level of pagkahilo talaga," sabi ni Kris, na kasama sa Intramuros tour ni Carlos Celdran kahapon.
Patuloy na kuwento niya, “By about 4:15, talagang umikot na [yung paningin ko].
"I had cold sweat, extreme headache, body ache and all, so nagpadala na ako sa ospital."
Dagdag pa niya, "I was dehydrated, bumagsak lahat ng electrolytes ko. I'm anemic.
“I had my blood works done... I think that's the red blood cell count and the hemoglobin count was very low.
“Pero iyon, hereditary 'yon.
"Pero yung lack of electrolytes, I guess it was the heat."
Dahil dito, sinabi ni Kris sa kanyang Instagram account na pinayuhan siya ng doktor na magpahinga lamang sa bahay sa susunod na dalawang araw para makapag-live sa April 24 at 25.
MAYOR HERBERT. Samantala, idinaan lang ni Mayor Herbert Bautista sa tawa ang sagot nang tanungin siya ng GMA News tungkol sa tunay na estado ng relasyon nila ni Kris.
Sa ulat ng Saksi kagabi ay ipinalabas ang taped interview nila kay Mayor Herbert kung saan tinanong ito sa "real score" nila ni Kris.
Pagkatapos ibahin ang usapin at pansinin ang mga nakikita sa paligid ay bigla itong tumawa at nilayuan ang reporter ng GMA News, na nagpapahiwatig na ayaw niyang sagutin ang tanong.