Boots Anson-Roa and Atty. King Rodrigo practice chastity before their June 14 wedding

Apat na araw bago ang kanilang pag-iisang dibdib sa June 14, nagkaroon ng rehearsal sina Atty. King Rodrigo at Boots Anson-Roa sa isang restaurant sa Roxas Boulevard. Dinaluhan ito ng halos lahat ng mga miyembro ng kanilang wedding party.


Ginanap kagabi, June10, ang wedding rehearsal para sa altar date nina Boots Anson-Roa at Atty. King Rodrigo sa Aristocrat Restaurant, Roxas Boulevard, Manila.

Maliban kina Manila City Mayor Joseph Estrada at Susan Roces, na may prior commitments, dumalo sa rehearsal ang lahat ng miyembro ng wedding party at ang mga musician para sa coordination ng cues at timing.

Imibitado rin sa wedding rehearsal ang mga kamag-anak nina Boots at Atty. King na nagmula pa sa ibang mga bansa.

Bago nagsimula ang full run-through ng seremonya, nagsalita sina Boots at Atty. King para i-welcome ang kanilang mga bisita.

HE SAID. Sinabi ni Atty. King na dalawa ang okasyon na ipagdiriwang niya sa June 14, Sabado—ang kasal nila ni Boots at ang kanyang 75th birthday.

“Ang regalo kong hinihingi kay Boots ay yung kanyang… hindi naman virginity—yung kanyang chastity.

“Truly, we’re not living together yet.

“We have not consummated our love for each other.

“We will do that on the honeymoon.

“Mas exciting yung ganoon, ‘di ba?”



SHE SAID. Sabi naman ni Boots, 69, “Pero unti-unti na niyang inililipat yung things niya.

“Kasi alangan naman na on the night of June 14 pa lang siya maglilipat.

“Yung first batch ng clothes na inilipat niya, sabi niya sa text, ‘I’m transferring my first batch of clothes, pero nahihiya pa ako na maglipat ng aking karsunsilyo saka briefs.’”

Patuloy ng veteran actress, “Last weekend, nandoon yung mga apo ko.

“Nagpa-extend kami ng masters’ bedroom kasi walang space for his things.

“So, nandoon na yung naka-hanger na yung ibang mga gamit niya.

“Pagpasok ng apo ko, ‘Lola, you mean Lolo King is living here already?’

“Nasita ako. I had to explain to her…”

Sabi pa ni Boots, “Napakalaki talaga ng respeto ko kay King.

“He’s somebody I look up to. Nakahanap ako ng role model.

ADVERTISEMENT - CONTINUE READING BELOW

“I’m very thankful na sa tingin ng marami, role model ako, pero nakahanap ako ng role model.”



THE HONEYMOON. Ayon kay Atty. King, kailangan nilang ipagpaliban muna ang kanilang honeymoon.

Paliwanag niya, “We have to delay our honeymoon because our children—her children and mine—came over from the States and they will be staying up to the end of the month, so we have to entertain them.

“We plan to go to Seoul, Korea in the first week of July, stay there for five days.

“She’s not been to Seoul, so doon kami magpupulot-gata, hopefully!”



WEDDING GIFT. Mayroon ba silang wedding gift para sa isa’t isa?

Sagot ni Boots, “Meron… puwede ko na sigurong sabihin dahil natanong niyo na.

“Actually, pinabili ko sa anak ko sa Amerika. Kadarating lang the other night.

“It’s a brand watch. Hindi pa niya nakikita.”

Ayon naman kay Atty. King, “Ang wedding gift ko sa kanya, in our relationship, sabi niya, wala pa siyang jade set, so I bought her a jade set—earrings, pendant, and ring.

“I gave that to her last week.”



THEIR FIRST ARGUMENT. Bagamat hindi pa sila kasal at hindi pa nagsasama sa iisang bahay, inamin nina Atty. King at Boots na nagkaroon na sila ng pagtatalo.

Kuwento ni Atty. King, “We had our first argument, the first and only argument.

“Early on in the courtship, nalaman ko na yung birth stone ni Boots is garnet.

“Walang occasion, I think it was end of October, I decided to buy her a set of garnet.

“And when I offered it to her, ayaw tanggapin.

“Sabi niya, ‘E, wala pa naman okasyon at hindi pa naman tayo mag-nobyo, bakit mo ako binibigyan ng ganyan?’

“Sabi ko, ‘No strings attached ‘yan. Kung gusto mo, tanggapin mo, ‘tapos bastedin mo na ako bukas. Basta I want to give it to you.’

ADVERTISEMENT - CONTINUE READING BELOW

“Naku, ang laking argument… tanggapin, hindi tanggapin.

“So finally, we decided, ipagdasal na natin ito.

“We went to Padre Pio sa Libis. We went there.

“We went to the different chapels, Francis of Assisi… and then we heard Mass.

“After mass, I think she was enlightened, tinanggap na rin yung garnet set.”

Saad naman ni Boots, “Alam niyo, yung message sa akin ng misa, parang toink—yun ang eureka moment ko.

“Parang ang message sa akin, ‘Humble yourself. Magpakumbaba ka nga. Bakit hindi mo tanggapin.’

“I accepted it.

“Finally, I asked him, ‘Anong okasyon?’

“’Halloween.’”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN