Hindi naghain ng anumang plea si Senator Ramon "Bong" Jr. Revilla sa ginanap na arraignment ng kasong plunder na isinampa laban sa kanya.
Ayon sa ulat ng GMA News Online, ang Sandiganbayan First Division ang nagpasok ng “not guilty” plea matapos basahan ng sakdal ang senador ngayong araw, June 26.
Pag-amyenda sa nilalaman ng impormasyon ng plunder charges vs Sen. Bong Revilla Jr., hindi pinayagan ng Sandiganbayan. | via @allangatus
— DZBB Super Radyo (@dzbb) June 26, 2014Gayunman, tanging mga teknikalidad gaya ng tuldok, kuwit sa impormasyon ang pinahintulutan ng Sandiganbayan. | via @allangatus
— DZBB Super Radyo (@dzbb) June 26, 2014
Nabanggit din na ang pagdinig para sa petisyon ni Senator Revilla upang pansamantalang makalaya ay itinakda sa July 10.
CO-ACCUSED. Ang iba pang kapwa-akusado ni Senator Revilla para sa kasong plunder ay ang kapatid ni Napoles na si Ronald John Lim at driver ng negosyante na si John Raymund de Asis.
Para sa kasong graft, ang kapwa-akusado ng senador mula sa Department of Budget Management ay sina Mario Relampagos, Rosario Nuñez, Lalaine Paule, at Marilou Bare.
Kasama rin sa sinampahan ng kasong graft ang ilang opisyal mula sa Tehnology Resource Center: Director General Antonio Ortiz, Deputy Director General Dennis Cunanan, former Group Manager Francisco Figura, Ma. Rosalinda Lacsamana, at Marivic Jover.
Ang iba pang kapwa-akusado sa kasong graft ay ang mga sumusunod: Myla Ogerio, Eulogio Rodriguez, Laarni Uy, Consuelo Lilian Espiritu, Evelyn De Leon, Allan Javellana, Rhodora Mendoza, Encarnita Munsod, at Maria Julie Villaralvo-Johnson.
Kasama rin sina Victoria Roman Cacal, Maria Nines Guanizo, Gondelina Amata, Emmanuel Alexis Sevidal, Ofelia Ordonez, Sofia Cruz, Chita Jalandoni, Gregoria Buenaventura, Jocelyn Piorato, at Evelyn Sucgang.