Is Thea Tolentino ready to accept Mikoy Morales as suitor now that she’s 18?

Thea Tolentino admits getting close to Protégé co-finalist Mikoy Morales: “Siya yung parang... parang sumalo kina Nanay at Tatay na pinapagalitan ako. Yun, ginagabayan niya din ako, pinagsasabihan niya din ako kagaya ng dapat din sinasabi nina Nanay.”


Aminadong kinilig ang Kapuso young actress na si Thea Tolentino nang kantahan siya ng co-finalist niya sa Protégé na si Mikoy Morales para sa kanyang 18th birthday celebration.

Si Mikoy mismo ang sumulat ng lyrics nito at kinanta niya para kay Thea.

Hindi rin daw inasahan ni Thea na ipapakita ni Mikoy ang ilan sa kanyang mga litrato bago pa siya pumasok sa showbiz.

Sabi ni Thea, “Nakakahiya yung pictures!

“Kinilig, hindi ako naiyak.

“Mas natatawa ako kasi nakakainis talaga yung pictures.”

Nakapanayam ng PEP.ph (Philippine Entertainment Portal) at iba pang miyembro ng press si Thea sa debut party nito na ginanap sa Villa Morales Garden Resort, sa Calamba City, Laguna, noong Sabado ng gabi, August 16.



OPEN TO SUITORS? Sa kanta ni Mikoy kay Thea, tila nagparamdam na itong manliligaw sa dalaga, sa harap mismo ng mga magulang ni Thea—sina Mommy Lea at Daddy Nestor—ngayong 18 years old na siya.

Ayon sa Half Sisters star, naging malapit silang magkaibigan ni Mikoy simula nung Protégé at dahil na rin ang binata ang madalas niyang kasama sa Maynila.

“Kasi yung parents ko naman, hindi ko sila palagi kasama, at saka hindi nila alam at nakikita yung mga nangyayari sa paligid ko.

“Siya yung parang... parang sumalo kina Nanay at Tatay na pinapagalitan ako.

“Yun, ginagabayan niya din ako, pinagsasabihan niya din ako kagaya ng dapat din sinasabi nina Nanay.

“Since siya yung nasa Manila, siya rin yung nakakaalam…”

Nang tanungin naman kung bukas na ba ang kanyang pintuan sa manliligaw, natatawang sagot ni Thea: “I don’t know!”

Malalaman naman daw kung sakali ng kanyang mga magulang kung may nanliligaw na sa kanya, dahil na rin humihingi ng advice si Thea tungkol sa mga bagay na ganito.

Saad niya, “Sa amin naman, hindi naman uso sa amin na kailangan 18, dun ka lang magbu-boyfriend, wala naman.

ADVERTISEMENT - CONTINUE READING BELOW

“Ang sa parents ko lang, kasi siyempre parents, alam nila kung may nararamdaman silang [kakaiba] dun sa guy na nanliligaw sa ‘yo.

“Ayun, open naman sila na mag-comment.

"Kasi nakakatakot naman kung yung boyfriend mo… kasi hindi naman natin masasabi talaga kung kayo na o ano.

"Sabihin ng parents ko kung ano yung comment nila sa guy... kesa naman kapag huli na ang lahat at pagsisisihan ko pa."

Dagdag pa ni Thea, “Recently, nagiging open na ako.

“Kasi dati, hindi talaga ako nag-o-open up sa parents ko.

“So, kung may problems man ako na ganyan, or sa friends ko, nao-open up ko na sa kanila.”



TURNING 18. Isang simpleng selebrasyon lang sana ang nais ni Thea at ng pamilya nito para sa kanyang 18th birthday.

Ngunit sa tulong na rin ng GMA Artist Center—ang talent arm ng Kapuso network na nangangalaga sa career ni Thea—isang mas engrandeng handaan ang naganap para sa debut ng young actress.

Halos dalawang buwan daw ang ginugol ni Thea upang paghandaan ang kanyang birthday, at butterfly ang napiling theme para rito.

Paliwanag niya, “Actually, parehas kami ng friend ko ng pinili.

“Napili ko siya kasama yung friend ko, sa tulong niya.

“And kasi, nakahiligan ko yung butterfly nung 2012, sa Protégé, nahiligan ko yung butterfly.”

Ang birthday wish daw niya ay magkaroon na siya at ang kanyang pamilya ng permanenteng tirahan sa Maynila.

“Kasi sa ngayon, ngayon ang nangyayari, ako lang at yung kasama ko, si Ate Rachel, ang nasa Manila.

“’Tapos yung parents ko, nandito lang sa Laguna.

“Mahirap din kasi, ’di ba?

“From Manila to Laguna, dadaanan mo yung EDSA, one hour and thirty minutes din na travel yun.

“And minsan lang din kasi ako makabisita.

"So, kung may place na kami dun, ’di ko na poproblemahin yun.”

Kahit nasa legal age na si Thea, wala rin naman daw masyadong pagbabago at sinisigurado niyang hindi rin siya mapapariwara.

ADVERTISEMENT - CONTINUE READING BELOW

“Yun nga, 18 na ako!

"’Pag iniisip ko, parang may something talaga yung 18 na parang hindi ka na teen!

“Hindi pa siya nagsi-sink in sa akin, kasi puwede ka nang…

“Kailangan may voter’s [ID] kiyeme ka pa! Madami ka nang [ganun na] aasikasuhin.”



MATURE ROLES. Samantala, dahil 18 na si Thea, tinanong ng PEP kung handa na ba siya sa mas mature o mas daring pang roles.

Sagot ni Thea, “Sa ngayon, hindi pa. Hindi pa rin.

“Para sa akin, talaga, hindi pa.”

Sa ngayon, nais daw munang mag-focus ni Thea sa pagganap bilang isang kontrabida dahil na rin marami siyang natututunan sa mga ganitong klase ng karakter.

Aniya, “Gusto ko kasi, para sa akin, marami akong matutunan dito sa pagiging kontrabida.

“Kasi kailangan kasi, ’di ba, confident? E, yun yung kulang sa akin.

“So, sa mga roles na ganito, nakakatulong siya sa akin para ma-boost yung ego ko.

“Parang at the same time, tinutulungan ko rin yung sarili ko na mas maging confident.”

Masaya rin daw si Thea sa takbo ngayon ng kanyang career, kaya naman nagpapasalamat siya sa kanyang home network sa patuloy nitong pagsuporta sa kanya.

“Sa ngayon, happy naman ako sa nangyayari.

“Ang gusto ko lang, yun, more projects to come pa talaga.

“And nagpapasalamat ako sa GMA kasi sunud-sunod yung projects na ibinigay nila sa akin, lalo na after Protégé.

“Sobrang blessed ako.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN