Wala pa rin daw nanliligaw kay Chynna Ortaleza kahit mahigit isang taon nang natapos ang 10-year relationship nito kay Railey Valeroso.
“Mahirap akong ligawan, e, takot daw sila sa akin,” sabi niya sa panayam ng PEP.ph (Philippine Entertainment Portal).
Bakit takot sa kanya ang mga manliligaw?
“Hindi ko alam, pero most of my male friends, 'pag tinatanong ko, kahit si Deo [Railey], dati tinatanong ko, ‘Nahirapan ka ba i-approach ako?’
“Oo daw! Mukha daw kasing parang sosoplahin ko sila, ganun.
“So, iniisip ko tuloy, 'Kailangan ko ba mag-change para lang maka-cater sa gusto ng lalaki?'
“Sinasabi ng friends ko, lahat sila sinasabi, ‘Hindi ka bagay sa Pilipinong lalaki!’
“Like si Ben [Benjamin Alves, her co-star in Dading], lagi niyang sinasabi, ‘I think you’re gonna marry a foreigner.’
“'Tapos ako, parang, ‘Why?’
"‘Hindi ka ma-gets ng Filipino guys.’”
FRIENDS. May komunikasyon naman daw sila hanggang ngayon ni Railey.
“Magkaibigan kami!” bulalas niya.
Pero hindi na raw sila nagkikita.
“Siyempre naman, ang pangit naman, paano tayo makaka-move on niyan?”
May girlfriend na bang bago si Railey?
“I think so,” sabi ni Chynna.
Paano siya naka-move on sa pagtatapos ng sampung taong relasyon nila ni Railey?
“Ang maganda kasi sa akin, yung support system ko, matatag. So, yung pamilya ko.
“'Tapos, after a while, nagulat ako kasi nung nawala si Deo sa buhay ko, ang daming pumasok na bagong tao.
“Ganun pala yun talaga.
“Hindi naman manliligaw, pero mga tao na 'pag kinausap ko about my craft or my art or my passion, swak na swak.
“So, parang sabi ko, ‘A, okay!’
“If ever man I have a boyfriend again, deserve ko na he is proud of my passions and my craft and he gets it.
“I don’t have to explain to him kung ano yung ginagawa ko.
“Hindi namin kailangang pagtalunan kung bakit gusto kong maging aktor at kung ano ang ibig sabihin ng pagiging aktor.”
Nag-artista rin si Railey dati, bakit hindi sila masyadong nagkaintindihan pagdating sa kanilang career o craft?
Saad ni Chynna, “Siguro kasi after a while, parang pressure din ang opinion ng ibang tao.
"Magkaiba nga kami ng... we’re very different people, e.
“Kumbaga, yung friends ko, they understand me 'cause they’re artists.
"His friends naman are from the business world and everything.”
Kaya nga si Railey raw ay mas nag-concentrate sa business kaysa ipagpatuloy ang pag-aartista.
FOOL FOR LOVE. Aminado si Chynna na may punto sa buhay niya na naging tanga siya sa pag-ibig.
“Of course! My gosh! Oo naman.”
Naging tanga siya sa relasyon nila ni Railey?
“Oo naman! Ten years! Aren’t you fool enough?”
Hindi naman daw niya pinagsisihan ang sampung taong pinagsamahan nila.
“Hindi naman ako nagsisisi, pero yung proseso lang na ma-in love, katangahan na yun, 'di ba? May pagka-fool.
“Hindi ko naman sinasabi na pinagsisisihan ko yun, pero inaamin ko na may katangahan ako nun.”
Ano ang masasabi niyang pinakatangang ginawa niya?
“Feeling ko, hindi lang ito sa side ko, pati sa kanya.
"Parang umabot sa point na naisip ko, ‘A, siguro nga kailangan kong mag-adjust ng passions ko para ma-cater yung mga kinasanayan niya.'
“Ilagay na lang natin sa karera, 'di ba?
"May mga panahon kasi na kinailangan kong isipin yung gusto niya bago yung kung tatanggapin ko ba yung proyekto.
“Kasi iniisip ko baka ma-offend, magkaroon ng issue.
"Mamroblema kami dahil medyo risky yung mga roles.
“And if you think about it, that’s stupid because why are you an actor in the first place?
"Aren’t you supposed to be portraying different characters in different situations?
"Not everybody is parang a good character.
“There are some characters who will go into weird things, like kung anu-ano man.
"Katulad ng mga ginagawa ko, character [roles] pa naman ang gusto kong gawin, 'di ba?
“Hindi naman ako nagkukulong ng sarili ko sa mga mababait-bait.
“So, iyon!”
Ngayon daw ay nagagawa na niya lahat ng klase ng papel.
“Oo, ang sarap!”
Tulad nga sa Dementia na pelikula ni Chynna na pinagbibidahan ng Superstar na si Nora Aunor. Psychologically disturbed ang papel dito ni Chynna.
Sa telebisyon naman ay nasa main cast siya ng Dading ng GMA.
NURTURER. Ang original na ka-loveteam ni Chynna ay si Richard Gutierrez. Hindi ba siya naiinggit Richard at may anak na ito kay Sarah Lahbati, si Baby Zion?
Sagot ng Kapuso actress, “Hindi naman, pero happy ako para sa kanila ni Sarah.
“Kasi ang cute-cute naman talaga ni Zion."
Paliwanag pa niya, “Marami ang nagtatanong sa akin ng question na 'yan.
"Parang iniisip nila, I’m in my 30s and I don’t have a kid yet.
“Kasi, hindi alam ng maraming tao na meron kasi akong pamangkin, si Zoey.
"Eldest daughter ng brother ko at dito na siya sa Manila from the time na she was seven.
“Ako na yung nagpapalaki kay Zoey, e.
"Magkabarkada kami. She’s fourteen na.
"Hindi niya ako mommy tinatrato, pero yung care at saka yung pag-aalaga, para na rin akong nagkaroon ng kid.
“So, after everything that’s happened, yung breakup, biglang nagka-realization ako na you don’t have to worry.
"Kasi minsan hindi mo nakikita yung mga ikinakasa ni God sa iyo na parang, kumbaga, ganun na rin, 'di ba?”
Samantala, ipapalabas na ang Dementia, na directorial debut ni Perci Intalan, sa mga sinehan sa September 24.
Released ito ng Regal Entertainment Inc. Kasama rin dito sina Jasmine Curtis Smith, Yul Servo, Lui Manansala, Jeric Gonzales, at Bing Loyzaga.