Pagkatapos ng halos tatlong linggo ay naresolba na ang kaso sa malagim na pagpatay sa 75-year-old mother ni Cherry Pie Picache na si Zenaida Sison.
Umamin na ang suspek na si Michael Flores na mag-isa niyang ginawa ang karumal-dumal na pagpatay sa ina ni Cherry Pie noong gabi ng September 19.
Si Flores ay nanilbihan bilang tagalinis ng bahay ng biktima sa loob ng anim na buwan.
Read: Suspect in murder of Cherry Pie Picache's mom admits: "Ako lang po mag-isa ang gumawa ng krimen."
Sa mga panayam ng media kay Flores ay panay ang paghingi ng tawad nito sa pamilya ni Zenaida, partikular na kay Cherry Pie.
Ngunit ang tanong ay kung kaya bang patawarin ng aktres ang taong pumatay sa kanyang ina.
Pahayag ni Cherry Pie, sa panayam sa kanya ni Boy Abunda sa The Buzz noong Linggo, October 12, “We continue… in behalf of my family—my kuya is here and my sister-in-law and, you know, my family at home—you know, we’re asking still for your prayers, ‘di ba, for healing.
“Kasi, hindi ganoon kadali. Hindi ganoon kadali.
“Ang tanong nga ng pamilya namin, noong nangyari ‘to na, parang, siyempre nagtatanong ka rin sa Diyos, ‘di ba?
“So, in His time, in God’s time.”
Ano ang naging realization sa kanya?
“Unang-una, the outpouring of support from people na kahit hindi mo kakilala.
“Like, yung wake ng mama ko, ang daming nagpadala ng bulaklak, mass card, messages, yung tulong sa community namin.
“Ganoon pala din, yung human heart, ‘di ba?
“Kapag nagtulung-tulong, marami pa rin mababait na tao sa mundo.
“But, pinag-uusapan din ng pamilya namin na, you know, that evil is around, walang pipiliin ang kasamaan.
“Because of poverty and drugs...
“You know, drugs will really destroy the society.
“Yung desperateness, hindi mo aasahan na kahit kanino, puwede palang mangyari ang kasamaan.
“That evil is there… that, you know, we should be vigilant. We should continue to pray.
“Yung drugs, yung drugs talaga…”
9-1-1. Dahil sa nangyari sa kanyang ina, naisip daw ni Cherry Pie ang konsepto ng 9-1-1 na mayroon sa ibang bansa, ‘tulad sa Amerika.
“Yun din ang gusto kong masabi sa experience namin.
“You know, when it happened, when I got to our place, wala tayong 9-1-1.
“Yung emergency number na any citizen can call, and there’s an immediate response at may sasagot at may kakausapin.
“Noong nangyari rin yun sa mama ko, there were testimonies also.
“The night before or yung madaling-araw, there was commotion na naririnig sa bahay namin. But, of course, umuulan noon…
“Yung tao, alam na maraming kasamaan sa paligid, siguro, ‘di ba, hesitant?
“Pero if you have an emergency number that you can call na, ‘Teka po, may naririnig kami sa kabilang kuwarto, paki-check nga.’ They don’t even have to go out.
“I think, yung authority, we need that… we really need that.
“Kahit mag-umpisa muna locally, pero yung immediate response na may reresponde, we need a 9-1-1, an emergency number.”
Noong una niyang makita si Michael Flores, ang naging tanong niya lang ay: “Bakit, bakit?”
Saan siya nanggagaling?
Saad ni Cherry Pie, “Kasi ang mommy ko, you know, we’ve been there in the community for 44 years.
“At lahat nga ng tao, sinasabi na napakabait ng mommy namin.
“Lately, meron siya… actually, hindi lang naman lately, nakakaugalian niya, yung mga diyaryo, bote, marami dun…
“’Di ba, you know, before, the Scout area was like subdivision that’s not fenced.
“Pero siyempre, ganoon pa rin ang feeling ng mommy ko because we know the community very well.
“Kapag may dumadaan doon, pakakainin niya, tutulungan niya.
“So, parang hindi mo lang malubos-maisip na gumagawa ka na ng mabuti, iisipan ka pa ng masama.
“So, hindi namin ma-reconcile yun.”
HOME ALONE. Sinagot din ni Cherry Pie ang tanong ng marami: Bakit ang isang 75-year-old na babae ay mag-isa lamang na naninirahan sa bahay nila?
Paliwanag ni Cherry Pie, “Actually, my nieces… well, hindi na ako tumitingin sa Facebook.
“Although, a lot of people are wondering, a lot of people understand the same way kung bakit siya nag-iisa.
“You know, my mom is a strong 75-year-old.
“Malakas siya in the sense na nakakapagmaneho pa siya.
“She chooses to drive, nakakapag-ballroom pa yun.
“Very independent… she raised us, the four of us, alone.
“Very dynamic at saka self-made ang mommy ko.
“So, defensive din ‘yan at matigas ang ulo.
“Ayaw niya ng sinasabi ng tao na nakadepende siya sa akin kasi artista ko.
“Ang connotation, ‘di ba, ikaw ang nag-aano? Ayaw niya ng ganun, so independent siya.
“Her children, kaming lahat, kaming apo niya, have never been remiss to check on her, to tell her na, ‘Mom, mag-condo ka na lang, mag-townhouse ka na lang, mas safe.’
“Pero ayaw talaga niyang iwanan.
“Kasi, our house in Scout area, duplex ‘yan. So, she has a tenant besides it. Inaasikaso niya yun.
“Yung kaligayahan niya na may silbi pa ako, malakas ako, so ibibigay mo na yun.
“Pero palagi… you know, magrereklamo ‘yan na palagi naming pinapagalitan na, ‘Ang tigas ng ulo mo.’
“The day before it happened, she stayed in Subic, doon sa favorite apo niya.
“Sabi ko, ‘Halika na, sa akin ka na lang muna.’
“Siya yung, ‘Ay, hindi, ang dami kong aasikasuhin.’
“Lahat kami, ‘Ano'ng aasikasuhin mo? Wala kang inaasikaso.’
“’Ay, hindi, nami-miss ko nga ang bahay ko,’ yung ganyan-ganyan.
“’Ma, ayaw mong mag-condo, ayaw mong mag-townhouse. Sa amin ka na lang tumira.’
“You know, we’re four siblings. ‘Mamili ka…’
“’Hay naku, hindi, there can only be one queen in the house.’ Gusto niya yun.
“‘Tapos, sabi namin, ‘Parentahan mo na rin itong house.’
“And she would always say na… kasi my two sisters live in the States. ‘Papaano ang bahay? Kapag umuwi sila, saan sila mag-i-stay?’
“’Tapos yung mga gamit nga, nakita namin noong mga nagliligpit ang mga ate ko, yung mga gamit nila noong araw, kahit mga laruan nila, she kept it.
“And gusto niya palagi na may uuwian kayo, may pupuntahan kayo.”
FIGHT FOR JUSTICE. Umikot ang buhay ng ina nila sa kanilang magkakapatid?
“Oh, yes, oh yes… kahit ngayong malaki na ako, siya pa rin ang nagbabayad ng PhilHealth namin.
“Yung Caritas, health insurance, and those things, ibibigay mo na sa kanya para maging masaya siya.
“To feel that she’s needed, relevant, may silbi pa siya.
“Ganoon ang nanay, siyempre yung maliliit na yun, ibibigay na namin.
“Although, the people in the community would always say, ‘Naku, nagkuwento ang mommy mo, pinagalitan mo na naman daw.’
“Kasi matigas ang ulo, very strong, very independent.”
Sa huli, ano ang gusto niyang sabihin sa kanyang ina?
“Ayun, kasama ng mga kapatid, kaming lahat, kami naman ngayon, hndi namin pababayaan ‘to kahit na ano'ng mangyari.
“We will fight for you and we will give you the justice that you deserve.”