Dadalo si Pangulong Benigno “Noynoy” Aquino III sa nakatakdang pag-iisang dibdib ng Kapuso royal couple na sina Dingdong Dantes at Marian Rivera sa December 30, 2014.
Ito ang kinumpirma ng bunsong kapatid ni PNoy na si Kris Aquino sa kanyang Instagram account (@_krisaquino) kahapon, November 3, Lunes.
Ayon sa post ni Kris: “From yesterday, my future inaanaks @dongdantes &@therealmarian, gave PNoy your invitation & I heard him give instructions to block off Dec 30, 2014 for both of you.”
Samantala, si Kris naman ay isa sa principal sponsors sa kasal ng Kapuso Primetime King and Queen.
Matatandaang binisita nina Dingdong at Marian si Kris sa set ng upcoming Metro Manila Film Festival movie nitong Feng Shui 2 noong October 31, Biyernes, upang personal na ipaalam na gagawin nilang ninang ang Queen of All Media sa kanilang kasal.
Ayon sa post ni Kris: “SUPER TOUCHED because of their personal effort to come to my FENG SHUI set to invite me to be their Ninang! Thank You @dongdantes & @therealmarian! See you December 30, 2014.”
A photo posted by @_krisaquino onOct 10, 2014 at 12:50am PDT
Samantala, base sa Instagram post ni Dingdong, magiging ninong at ninang din sa kasal nila ni Marian si Senator Tito Sotto at asawa nitong si Helen Gamboa.
Sabi ni Dingdong sa kanyang post sa Instagram (@dongdantes): "Thank you to the Sotto family for the hospitality. We enjoyed the food, especially the company. Your story is truly inspiring. See you on our wedding day. #SponsorsVisit"
Nauna na nilang binisita ang kapatid ni Senator Tito na si Vic Sotto, na isa rin sa mga ninong.
A photo posted by Dingdong Dantes (@dongdantes) onOct 10, 2014 at 12:54am PDT
Kabilang din ang fashion designer na Randy Ortiz sa mga magiging ninong at gagawa ng wedding suit ng Kapuso actor.
Ani Dingdong: "A fashion Icon. My very good friend. My soon to be ninong. The person who will suit me up for my big day. Bespoke...the Randy Ortiz way. @randy_e_ortiz #PinoyPride"