Lovi Poe to have "me time" in Japan: "...you have to miss a few things to be able to appreciate it."

Lovi Poe on boyfriend Rocco Nacino: “Parang ang saya kasi, palagi kaming nagbibiruan. It’s not that serious. Barkada—ganun yung exact description.”


Isang Linggo munang magbabakasyon si Lovi Poe sa Japan.

Bale parang pahinga raw niya ito dahil pagbalik niya mula sa bakasyon ay magiging busy naman siya sa pagpu-promote ng Shake, Rattle & Roll XV, kunsaan siya ang bida sa episode na “Flight 666.”

Magsisilbing “alone time” rin daw niya ang bakasyon.

“Yeah, alone time, pero one week lang.

“My mom is coming pero maghihiwalay rin kami sa Japan.

“I said kasi, I want alone time. Siya rin,” pahayag ni Lovi nang makausap ng PEP.ph (Philippine Entertainment Portal) sa presscon ng SRR XV sa Imperial Palace Suites, Timog Rotonda, Quezon City noong November 19.

Pareho silang nasa Japan ng mommy niya pero magkahiwalay sila?

“Yeah, para hindi delikado rin. Siyempre, baby niya ’ko, ’di ba?” natawa niyang sabi.

THE VALUE OF SOLITUDE. Gaano ka-importante sa kaniya ang alone time?

“Ay, very important! Being able to be away from everything, even just for a while, is important for me. Especially now, parang I’m busy with work, I’m in a relationship.

“Parang ang dami kong ginagawa, I’m preoccupied. So minsan-minsan ko lang mabibigyan ang sarili ko ng isang linggo na ako lang.”

Ngayon lang daw magagawa ni Lovi na magbiyahe na mag-isa.

Pero sabi rin niya, “To travel alone, yes, ngayon lang.

“Pero there was a time na ako lang sa loob ng bahay and in my room—no connection to outside world.”

Isang araw yun na nakakulong lang siya sa kuwarto?

Ani Lovi, “Matagal, mga weekend, days… ganun ako. Just alone. Nagsusulat. Nagbabasa ng libro.

“There was a time rin na...well, may mga kasama rin ako noon. Pero noong nag-New York ako, hindi ko ini-on ang phone ko the whole time I was there.”

Pagkatapos daw ng alone time niya, para siyang nare-recharge.

“It makes me miss everything. Kasi kunwari, nabe-burn out ako, marami akong bagay na kailangan kong ma-miss. ‘Di ba, ganoon naman yun, you need space from everything.

ADVERTISEMENT - CONTINUE READING BELOW

“And you have to miss a few things to be able to appreciate it also,” pahayag niya.

Ano naman ang masasabi ng boyfriend na si Rocco Nacino sa kanyang “me time”?

“Okay rin naman siya sa ganun at saka, alam naman niya yun na I’m that type of girl.

“Noong nagliligawan pa lang kami, may mga time kami, na may mga days na hindi kami nakakapag-usap, bigla akong nagdi-disappear.

“Pero ngayong we’re in a relationship, siyempre, sinasabi ko na sa kanya,” pahayag pa niya.

HOLIDAY PLANS. Ngayong Pasko, sa Manila lang daw siya, sa mismong bahay niya.

“The usual,” nakangiting sabi ng dalaga.

“I’m always at home lang naman kapag magpa-Pasko. Parang tradition yun for me, kailangan doon talaga ako sa bahay nagki-Christmas.

“Ngayon, bahay ko. Mom ko, pupunta sa bahay ko.”

Si Rocco?

“Si Rocco, pupunta sa bahay, dadaan after salubong siguro,” dagdag niya.

Natatandaan pa namin noong isang taon na tila nakatulong pa niya si Rocco na magkabit ng Christmas tree niya.

Ikalawang Pasko na nila ngayon?

Pagklaro ni Lovi, “Well, first Christmas namin together.

"Last time kasi, we weren’t together yet. This year pa lang yung officially kami na.”

LIKE BEST FRIENDS. Kinumusta namin kay Lovi ang relasyon nilang dalawa ni Rocco.

Ayon sa Kapuso actress, “It’s fun. We’re like best friends. Parang ang saya kasi palagi kaming nagbibiruan.

“It’s not that serious. Barkada—ganun yung exact description.”

Mas okay ba na mas bukas na sila ni Rocco sa publiko tungkol sa totoong estado ng relasyon nila?

“Oo, okay naman siya dahil open kami. I mean, hindi na ’ko nahihiyang mag-post sa Instagram.

“Pero iba siya on how I was before kasi, very private nga ako. I’m always afraid about what will happen next.

“But since I realized I’m a public figure rin naman, might as well. If this is something good naman that I can share with everybody.”

ADVERTISEMENT - CONTINUE READING BELOW

Nawala na ba yung takot niya sa “what will happen next?”

Aniya, “Ay no, it’s always there. Ganoon naman ako, e.

“I don’t wanna feel the pressure so much. I have to keep enjoying the things that I have now to be able to continue.”

AFRAID OF BREAKUPS. Takot siya sa breakup?

“Oo, a lot.

“Commitments and break-up, both,” natawang sabi niya.

Kahit napagdaanan na niya ang ganitong situwasyon nang ilang beses, takot pa rin siya?

Ayon kay Lovi, “Oo naman, I mean, parang it’s the same gravity naman every time.”

Sa ganitong bagay, paano siya nabibigyan ng assurance ni Rocco?

Paglinaw ni Lovi, “I don’t ask for assurance rin kasi. Ako naman, I know whatever gonna happen will gonna happen.

“Kumbaga, I don’t like anybody promising me anything. Hindi ako yung tipo kasi, it’s hard.”

SRR XV. Sa isang banda, ang SRR XV ay ikatlong SRR na raw na ginawa niya.

Itong pinakahuli, ayon kay Lovi, “It’s different.

“May halong comedy rin ito at sa loob kami ng eroplano. Favorite ko yung location ng plane kasi nga, for me, siguro yung mga tao makaka-relate masyado kasi sa loob kami ng eroplano.”

BUSINESS VENTURE. Pagdating naman sa teleserye, pinag-uusapan pa raw kung ano ang susunod niyang gagawin sa Kapuso network pagkatapos ng Ang Dalawang Mrs. Real.

Pero bukod sa showbiz, nag-venture na rin siya sa business, ang Cable Car restaurant/sports bar sa Bonifacio Global City.

“This is my first venture, yung Cable Car, The Fort.

“It’s doing well. Thank God. Ito ang first business venture ko so happy ako.

“Kasi yung mga kaibigan ko rin, magkakasama kami rito kaya parang mas personal siya.

“I rarely go there naman. Siguro, dadaan lang ako to check on a few things, but then, happy lang ako na meron akong ibang ginagawa.”

ADVERTISEMENT - CONTINUE READING BELOW

Bakit ang naturang negosyo ang pinasok niya?

“Siguro malapit ako sa Cable Car kasi nga, I met my true friends there, fell in love there—yung Cable Car Pasay Road, yung luma na.

“’Tapos, binili yun ng friends ko. Sumali ako sa The Fort. Personal yun sa akin kasi, marami akong memories sa Cable Car,” masaya niyang pagbabalik-tanaw.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN