Boy Abunda insists his commentary about elevator memo was not for ratings

Pinag-iisipan pa raw ng TV host/talent manager na si Boy Abunda kung magpapatawag siya ng isang press conference upang mahimay ang mga punto niya tungkol sa diumano’y discriminatory memo ng isang high-end condo residences. Pero pinaninindigan niya ang naging pahayag nila ni Kris Aquino sa kanilang show tungkol sa hindi raw patas na pagtingin sa household helpers.


Pinag-iisipan daw ngayon ng TV host na si Boy Abunda ang magpatawag ng isang press conference para tilad-tilarin ang mga punto ng kanilang naging komento ni Kris Aquino sa Aquino & Abunda Tonight tungkol sa isang elevator memo.

Ito ay kaugnay ng pahayag ni Annette Aguado, kapatid ng property manager ng isang high-end condo residences sa Taguig City na si Kristine Garrido, bilang reaksiyon sa naging pahayag nina Boy at Kris.

Ayon kay Boy, tila nalihis na ang mga punto ni Aguado sa binitawan nilang opinyon.

Pahayag ng veteran TV host, “I’m contemplating on calling for a press conference para mahimay.

"Kasi nabasa ko yung sagot ng kapatid, ni Ms. Aguado. Medyo lumilihis, e, kailangan himayin natin, isa-isahin natin.

“Ang masasabi ko lang ngayon, hindi ako namersonal, naging magalang ako.

"Nabastusan ako, arogante sa akin ang dating ng memo, but I did not call her sister names, I did not call her comic."

Noong Huwebes, November 19, kumalat sa Facebook ang isang diumano’y ‘discriminatory memo’ ng isang high-end condominium sa The Fort, Taguig City, na nagsasabing bawal daw sa tenants elevator ang mga kasambahay, drivers, at contractor na sumakay rito.

Dapat daw ay ang gamitin nila ay ang service elevator.

Read: Boy Abunda and Kris Aquino criticize high-end condo’s memo about use of elevator for household employees

November 21 nang nag-post sa Facebook si Aguado bilang reaksiyon sa mga naging komento nina Boy at Kris tungkol sa memo.

Sabi ni Boy, “I was very serious about my commentary.

"Pero hanggang dun muna kasi gusto ko aralin, yung diskurso, kasi it’s a very serious dialogue, kailangan maintindihan natin.”

Iginagalang niya raw ng TV host ang opinyon ni Aguado at nararapat lamang daw ang naging reaksiyon nito bilang pagtatanggol at pagmamahal sa kapatid.

Ngunit dagdag niya, “Pero medyo hindi nasa konteksto yung iba na nasa diskusyon. Kaya sabi ko, huwag muna ngayon para maisa-isa lang natin.”

ADVERTISEMENT - CONTINUE READING BELOW

Nakausap ng PEP.ph (Philippine Entertainment Portal) at iba pang media si Boy sa 25thanniversary celebration ng Backroom Artists kagabi, November 25, sa Astoria Chardonnay, Pasig City.

Ang Backroom Artists management ay dating pagmamay-ari ni Boy na ngayon ay ipinamahala na niya sa kanyang mga senior staff.

FOR THE RATINGS? Bahagi ng naging pahayag ni Aguado ay ginawa raw nina Boy at Kris ang naturang komentaryo para sa ratings. Tinawag pa niya ang dalawa na "comic duo."

Pero paliwanag ni Boy, “I’ve been in the business for so long, hindi ko naman itatatwa na may mga ginagawa tayong mga bagay para panoorin tayo ng tao.

“But in the name of God, in God’s name—hindi ko alam kung masama yun ’pag ginagamit ng tao ang pangalan ng Diyos—when I was doing that commentary, wala sa aking isipan na gawin ko ito dahil gusto kong sumikat at mapanood.

“Hindi siguro pamilyar si Ms. Aguado sa ating industriya, kung ano na ang narating ko, o narating ni Kris.

“Palagay ko, we are not at that stage anymore where we do things because we want our shows to rate.”



FOR THE HELPERS. May nagustuhan naman daw si Boy sa naging pahayag ni Aguado sa kanyang statement, ito ay ang Biblical phrase na ginamit sa dulo ng kanyang statement.

Nakasaad dito ang mensahe mula sa Isaiah 54:17: "No weapon that is fashioned against you shall succeed and you shall refute every tongue that rises against you in judgement. This is the heritage of the servants of the Lord and their vindication is from me declares the Lord."

Sabi ni Boy, “Lastly, alam mo natutuwa ako dun sa kanyang Biblical quote, about the servants of the Lord, that was in defense of the helpers in the memo.

“Ang dating kasi talaga sa akin, napakaganda. Sabi ko, napaka-apt.

ADVERTISEMENT - CONTINUE READING BELOW

"When I was reading it, sabi ko, ‘Wow, tugmang-tugma, akmang-akma, doon sa ipinaglalaban namin na mga household helpers.’

"Pero muli, gusto ko lang isa-isahin… kailangang iklaro yung ibang points because I did not castigate her sister.

“It was not personal. It was a commentary on a memo that appeared on social media. And the commentary to my mind was genuinely responsible.

“And it was not done because we want to be more popular and we want to have better ratings, more people to watch us.

"Lumampas lang kami dun sa stage na yun. But I understand Ms. Aguado."

Nagtataka rin daw siya kung bakit napunta sa ibang usapin ang naging pahayag ni Aguado.

Sa huli pinanindigan pa rin ni Boy ang kanyang naging komentaryo tungkol sa isyu.

“I stand by what I said, paninindigan ko yung aking opinyon, na ibinahagi sa aking manonood.”

Bukas ang PEP sa panig ng mga taong nabanggit sa artikulong ito.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN