Sa pamamagitan ng kanyang Twitter account (@MsLeaSalonga) ay nag-react si Lea Salonga laban sa kanyang bashers.
Ito ay matapos niyang ipahayag ang kanyang saloobin tungkol sa isang “fan” na nagdala ng camera sa loob ng studio ng The Voice of the Philippines Season 2 at kumuha ng mga larawan habang nagti-tape ng nasabing reality-based singing competition ng ABS-CBN.
Noong November 28, Biyernes, sinabi ng Broadway star sa kanyang Twitter account na maging ang artists na imbitado sa taping ng The Voice ay nag-surrender ng kanilang video-recording devices bago makapasok sa studio at makapanood ng show.
@Juliatearjerkyy Being someone's fan is not an excuse to break the law or do bad things. Chances are your idol will end up hating you.
— Lea Salonga (@MsLeaSalonga) November 28, 2014
Sinabi ni Lea na dapat ay ma-blacklist ang "fan" sa kanyang ginawang pagkuha ng mga larawan.
Posible raw kasing ma-preempt ang naging resulta ng show kapag inilabas ang mga nasabing larawan.
@teamlea_ Because... YOU'RE NOT SUPPOSED TO HAVE A CAMERA AT BATTLES AND KNOCKOUTS!!! NONE!!! ZERO!!! ZILCH!!! NADA!!!
— Lea Salonga (@MsLeaSalonga) November 28, 2014
Binanggit din ni Lea na ang tinutukoy niyang "fan" ay pinalabas, pero hindi na raw niya alam kung ano ang sumunod na nangyari.
Samantala, isang follower ni Lea ang nag-tag ng link sa singer sa isang entry sa blogsite na Fashion Pulis, kung saan naroon ang screen grabs ng palitan ng tweets ni Lea at followers niya tungkol sa nasabing paksa.
Hati ang mga naging komento tungkol dito.
Habang ang mga mga pumanig kay Lea ay pinuri ang kanyang pagiging prangka at diretso, binatikos naman siya ng ilang bashers dahil umano sa kanyang pagiging “nega” at inakusahan pang nagme-“menopause.”
Tinawanan naman ni Lea ang bashers niya sa kanyang tweet.
Bahagi ng kanyang tweet: “…People that don’t know the whole story will fill in the blanks.
@esmeralda_jake Hee hee, they're kinda funny actually. Nothing you can do, people that don't know the whole story will fill in the blanks.
— Lea Salonga (@MsLeaSalonga) December 1, 2014
Aniya pa, natutuwa siya na may mga nagtatanggol sa kanya kahit na hindi niya ito hinihingi.
Paalala pa ni Lea: “don't assume that the topic of my tweets are what you think they are. Unless I explicitly say something.”
@esmeralda_jake Last na 'to... don't assume that the topic of my tweets are what you think they are. Unless I explicitly say something.
— Lea Salonga (@MsLeaSalonga) December 1, 2014
“So to everyone that understood where I was coming from, thank you. Much appreciated. I know that not everyone will get me,” ayon pa sa isang tweet ni Lea.