Boy Abunda on how he overcame his medical condition last year: “’Pag nagkasakit ka pala, you discover your truth.”

Boy Abunda (flanked by Liza Diño, left, and Aiza Seguerra, right) talks about his ordeal battling a liver abscess condition last year. “There was an episode in the hospital when it’s only you, your pain and your God. You think you’re invincible? I was humbled.”


Nagbahagi ang King of Talk na si Boy Abunda sa PEP.ph (Philippine Entertainment Portal) ng ilang mahahalagang bagay na sa kanya'y nagsisilbing gabay para sa taong 2015.

“2014 was one of the most important years of my life,” simulang saad ni Boy nang makapanayam namin siya sa studio ng Aquino and Abunda Tonight, kamakailan.

Patuloy niya, “Dito ako ginising ng Diyos na, 'When is enough enough? What are the fundamentals? Ano yung pinakamahalaga sa buhay mo?'”

Naging basehan ng beteranong TV talk show host ang major sickness at hospitalization (for liver abscess treatment) na kanyang pinagdaanan noong nakaraang taon (buwan ng Agosto), at nagmulat sa kanya sa mahahalagang katotohanan.

“Nung sinagot ko yun, ang pinakamahalaga [sa buhay ko] ay maalagaan ang pamilya ko, ang nanay ko. You have to be healthy [to do this]. Totoong-totoo,” natawang bahagya si Boy.

“Alam mo, nung nasa ospital ako, may mga pagkakataon na sinasabi ko sa sarili ko, 'Ba't 'di ka tumayo? Pumunta ka sa may bintana, o makipag-usap ka sa mga kasamahan mo doon sa sala...' Gano'n.

“Kinakausap ko ang sarili ko. Pero hindi naman ako makagalaw.

“There was an episode in the hospital when it's only you, your pain and your God,” makahulugang sambit pa ni Abunda.

“You think you're invincible?” naisip din daw niya.

“I was humbled.

“Kaya ngayon, 'pag halimbawa, hindi ko na kaya, sasabihin ko, 'Hindi ko na kaya. Okay na ako...'”

LESS WORK. Nagpapasalamat si Boy Abunda na hindi malalang sakit ang dumapo sa kanya at nagpabago ng kanyang buhay at propesyon.

Napapanood pa rin naman siya sa telebisyon, bilang pang-malagiang host ng Aquino and Abunda Tonight, with Kris Aquino, at ng public affairs program, The Bottomline, na parehong ume-ere sa ABS-CBN 2.

“Marami ang nabawas. Backroom [Talent Management outfit] is already with Rowena and Bettina [Aspillaga],” ang sabi ni Boy sa PEP.

ADVERTISEMENT - CONTINUE READING BELOW

“I gave it to them. Pero prior to my hospitalization, tumatawag pa rin sila, nagbabasa pa rin ako ng kontrata. Ngayon, wala na, totally.

“Sabi ko [kay Rowena at Bettina], If it's not life and death, don't call me...

“Kasi kanila na yon, e. I'm not part of Backroom anymore. So medyo gumaan [ang work load ko].

“Kung yung mga shows lang na ganito, siguro naman, kaya ko na,” saad din ni Boy.

ON POLITICS. “Ay, hindi!” mariing pagsalungat ni Boy Abunda sa napabalitang papasukin niya ang politika sa susunod na taong 2016.

“Categorically, I'm declaring I'm not going into it [politics],” saad niya.

Naisip din ni Boy na isang pahiwatig ang pagkaka-ospital niya, upang mabago ang naunang plano niya ukol sa pagtakbo sa eleksyon.

“There was a time I was entertaining the idea of getting into local politics, [but not] the Senate.

“I wanted to run for Governor [of Samar, Abunda's home province]. There was a time, yes, I was entertaining the idea. Pero ngayon, wala... at least, in 2016.

“But I never say never. I don't know,” pasubali pa niya.

“Pero sa ngayon, na nakakasama ko ang nanay at ang aking pamilya [siblings], ayaw...

“That [politics] is not even an option,” paniniyak ni Boy.

MORE HEALTH-CONSCIOUS. Nakakatuwang pagbabahagi rin ni Boy ang tungkol sa kanyang mga ginagawa para mapanatili ang kalusugan at higit na lumakas, matapos maka-recover sa malubhang karamdamang nakaapekto sa kanyang liver (may nakitang abscess na inoperahan).

“Sa ngayon, either I run in the morning or I play badminton in the afternoon.

“I run in the evenings, before the show, sa village namin, about 5 kilometers.

Boy is also more conscious of his diet.

“Gulay, prutas, isda,” pagtukoy niya sa mga kinakain niya ngayon.

Ano ang payo niya sa kanyang mga kaibigan at tagasubaybay?

“Take care of yourself, kasi you can only take care of others if you're okay.

ADVERTISEMENT - CONTINUE READING BELOW

“Yung kasabihan nga nila, that you have to love... you have so much love... as Bo Sanchez [inspirational author] would say, 'Your love tank should be full for you to be able to share that love.

“Ang take ko naman diyan, 'Paano ko naman maaalagaan ang aking inay, at ang aking pamilya, kung hindi ako malusog?

“Gano'n kasimple yun, e. 'Wag nating guluhin, 'di ba?

“Dati, parang nabasa ko [lang] yun... parang narinig ko yun.

“Ngayon, hindi na. Naranasan ko na! Something that's real!” nasambit pa niya.

DISCOVERING ONE'S TRUTH. Para din kay Boy Abunda, isang magandang tunguhin ngayong 2015 ang naging pagkakatuklas niya sa mahahalagang katotohanan sa buhay.

“I don't know, 'pag nagkasakit ka pala, you discover your truth, e,” makahulugang sambit niya.

Pagpapatuloy niya, “May mga pinaniniwalaan ka, [pero] with so much respect. If you disagree with me, I'm fine.

“Hindi katulad noon, na napipikon ka.

Paghahalimbawa niya, “I know a lot of people do not appreciate my opinions about LGBT [Lesbian, Gay, Bisexual, Transgender]. But I'm at peace.

Alam ng lahat ang pagsuporta ni Boy sa party-list na nauukol sa LGBT rights advocacy, na may matinding pagtutol mula sa ilang sektor, partikular ang simbahang Katoliko.

“I'm really at peace. I mean every word I say.

“If you disagree with me, so be it. Ganu'n lang.

“Hindi katulad noon, 'Ah... hindi!'" Nuon, ito raw ang reaksyon ni Boy sa mga sumasalungat sa nasabing paniniwala.

Patunay ng kanyang patuloy na pananalig at pagsuporta sa LGBT ay ang masiglang pag-welcome ng Aquino and Abunda Tonight sa lesbian couple na sina Aiza Seguerra at Liza Diño, matapos silang magpakasal sa San Francisco, USA.

Ganun pa rin ang pagpapahalaga ni Boy, pero kailangan ding iwasan ang mga makakapagpa-stress na diskusyon at salungatan.

Aniya, “Not because you lost your passion for what you do, but you realize nagiging respectful ka rin, e—sa opinyon, sa pagkatao, sa pagka-iba ng iba...

ADVERTISEMENT - CONTINUE READING BELOW

“Na ang iba ay hindi ikaw, at hindi kayo magkatulad.

“Nagiging mas magalang ka rin, in a sense.

“I also became more spiritual. Kasi, Baclaran [Church] boy naman talaga ako.

“More than that, mas nakikipag-usap na ako.

“In terms of my job, I still have the same passion, but... mas nakikinig ka na rin sa sarili mo.”

WHAT IFS. Nagpapasalamat si Boy Abunda na hindi naging huli ang lahat para sa magandang simula ng buhay niya.

“It could have been worse.

“What if the pus [in the tissue] or the abcess was cancerous?

“What if, 'di ba? Ang daming what ifs?

“So, ang bait pa rin talaga ng Diyos,” pagtukoy pa niya.

Handa na ba siya sa mga panibagong pagsubok, sa mga challenges sa buhay ngayong 2015?

“Mga challenges of life?” natawa uli si Boy sa pagtatapos ng panayam.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN