Ariella Arida tapped as online backstage host of Miss Universe pageant in Florida, USA

Miss Universe 2013 3rd runner-up Ariella Arida is the third titleholder from the Philippines chosen to be the online backstage host of the Miss Universe beauty pageant.


“Exciting. Feeling ko magko-compete ulit ako.”

Ito ang nasambit ni Miss Universe 2013 3rd runner-up Ariella Arida sa pagkakapili sa kanya upang maging online backstage host ng Miss Universe 2014.

Gaganapin ang prestigious beauty pageant sa January 25 (January 26 ng umaga sa Pilipinas), sa FIU Arena, Florida International University, Miami, Florida.

Eighty-eight candidates mula sa iba't ibang panig ng mundo ang maglalaban-laban para sa titulong Miss Universe.

“Sana talagang this is the start of something big,” dugtong pa ni Ariella sa panayam sa kanya sa TV Patrol noong Lunes, January 5.

Ito ang ikatlong pagkakataon at ikatlong taon na isang dating Filipina candidate sa prestihiyosong pageant ang naitalaga para sa nasabing responsibilidad.

Nauna rito si Shamcey Supsup noong 2012.

Si Shamcey rin ang pambato ng Pilipinas sa Miss Universe 2011 at naging 3rd runner-up.

Sumunod sa kanya si Janine Tugonon, 2012 Miss Universe 1st runner-up, na naging online backstage host noong 2013.

Ayon pa kay Ariella, pagkakataon din ito para matulungan ang kinatawan ng Pilipinas sa 63rd Miss Universe na si Mary Jean Lastimosa sa sasalihang pageant.

“Puwede kong makausap si MJ [Mary Jean] nang personal.

"Puwede ko siyang ma-chika kung ano pang puwedeng magawa niya.

"Kasi yun lang naman ang kailangan mo, yung mabu-boost ang confidence mo."

Sa January 18 lilipad si Ariella patungong Miami, Florida.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN