Sarah Geronimo admits she is still not in control of her life: “Hindi po ganun kadali, e.”

“’Yon ang realidad ng buhay, marami kang haters. Kinakailangan mo lang matanggap ’yon at matutong isarado ang isip mo sa sobrang below the belt nang pangbe-belittle nila sa ’yo, pangde-degrade nila sa ’yo,” says Sarah Geronimo about negative comments on her being chosen as Rapunzel.


Lubos ang pasasalamat ni Sarah Geronimo sa mga proyektong ibinigay sa kanya ng Disney Asia.

Una, ang maging representative ng Pilipinas para kumanta ng Disney song na “The Glow.”

Pangalawa, ang maging bahagi ng Disney Princesses na tampok sa 2015 calendar ng Disney Asia.

“Siyempre, it's a pleasant surprise para sa akin,” sabi ni Sarah nang makausap siya ng PEP.ph (Philippine Entertainment Portal) at iba pang reporters sa launch ng Disney Princess calendar, kahapon, January 9.

Nakangiting dagdag ng Popstar Princess, “I feel very blessed dahil tayo ang napili, along with Kim Chiu, para maging bahagi nitong Disney Princess calendar.

"Sobra tayong nagpapasalamat sa tiwalang binigay at honored."

Kung si Sarah ang napili bilang Rapunzel, si Kim naman ang gumanap bilang Mulan sa Disney calendar.

Ayon kay Sarah, gusto niya ang pagiging “passionate at energetic” ni Rapunzel.

Paglalarawan niya, “Of course, yung pagiging courageous niya.

"Hindi naman siya makakababa ng tower kung hindi siya matapang o wala siyang lakas ng loob bumaba at makita ang mundo, and discover her true identity.

“At saka yung pagiging considerate niya. Hindi siya selfish, e.

"Hindi siya yung, 'Tatakas ako, tatakas ako! Susuwayin ko ang magulang ko.'”

Dahil dito, inamin ni Sarah na nakaka-relate siya sa mga katangian ni Rapunzel.

“Hindi lang ako ang nakaka-relate sa story ni Rapunzel.

"Lagi kong kinu-connect ang character ni Rapunzel na being trapped in a tower, na maaaring trapped tayo sa sarili nating insecurities or fears dahil hindi pa tayo naggo-grow or nagbo-blossom into the person na God has made us,” sabi ng 26-year-old singer-actress.

Sa promotion ng proyekto, ginagamit ang “#FearlessPrincess” para kay Sarah. Maituturing ba niya ang sarili bilang “fearless”?

Sagot niya, “Yes, maaari.

“Kinakailangan mong maging fearless in some ways for you to discover your own strengths, your own weaknesses.

“Kailangan mong malaman 'yan and learn from your own mistakes.”

ADVERTISEMENT - CONTINUE READING BELOW

Read: Sarah Geronimo and Kim Chiu as Disney Princesses

Watch: Sarah Geronimo's "The Glow" MV


IN CONTROL. Kung pagbabasehan ang istorya ni Rapunzel, masasabi na sa bandang huli ay naging malaya rin siyang gawin ang kanyang nais sa buhay.

Masasabi rin kaya ni Sarah na “in control” na siya sa kanyang buhay ngayon?

Sagot niya, “You can plan your life, you can try so hard para planuhin ang buhay mo.

“Pero mayroong mga bagay na out of your control na mangyayari at mangyayari, na plano ng Diyos.

“What I can do is pray about it.

“Oo mag-e-effort ako para sa kung ano man ang plano ko sa buhay na gagawin ko.”

Patuloy pa niya, “Of course, hindi ko pa masabi na I'm in control of my life right now.

“Alam naman po natin na iba ang pundasyon namin ng pamilya ko, ang way of living namin, ang lifestyle namin.

“A lot of families can relate to me, tayong Filipino families, kasi ito ang tradisyon natin.

"Yun lang, every day process po siya kung paano mo paplanuhin ang buhay mo.

“The best you can do is pray na kung tama ba ang ginagawa mo; or kung mali, i-direct ka.”

Pagdating naman sa isyu ng pagiging independent, sabi ni Sarah, “Iba-iba naman po tayo ng opinyon sa buhay.

"Mayroon tayong freedom of speech, may mga bagay silang hindi nalalaman."

Sabi pa niya tungkol sa mga taong nagsasabing dapat ay matuto na siyang maging independent sa kanyang edad, “They can easily dictate kung ano ang tamang gawin na parang, 'Ano ba, Sarah, grow up! Let go! Hello, ang tanda mo na! Mag-boyfriend ka na, do the things that make you happy.'

“Hindi po ganun kadali, e.

"Makikita mo sa values ng Disney Princess na si Rapunzel, na considerate.

"Courageous pa rin, pero considerate.

ADVERTISEMENT - CONTINUE READING BELOW

"Yun ang challenge doon, paano mo gagawin 'yon."


NEGATIVE FEEDBACK. Samantala, inamin ni Sarah na sa kabila ng mga papuri, nababasa rin niya ang mga negatibong komento tungkol sa pagkakapili sa kanya bilang Rapunzel.

Biro pa niya, “Alin doon? Na what's happening? Na bakit kami o ako? Na hindi raw bagay?”

Inasahan na raw ito ni Sarah bago pa man niya gawin ang proyekto.

Sa halip na magpaapekto, iniisip na lamang daw niya, “'Yon ang realidad ng buhay, marami kang haters.

"Even ang Panginoon, maraming hindi naniniwala sa kanya.

“Kinakailangan mo lang matanggap 'yon at matutong isarado ang isip mo sa sobrang below the belt nang pangbe-belittle nila sa 'yo, pangde-degrade nila sa 'yo.”

Diin pa niya, “Kaya nga importante na kailangan mong paniwalaan na iba ka.

"Ibinigay sa 'yo ang proyekto na ito hindi dahil pinilit mo ang sarili mo kundi dahil biniyaya sa 'yo ito ng Diyos.

“You have to embrace it and paniwalaan mo na binigay sa 'yo 'to for a reason.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN