#PopeFrancisPH: Pope Francis to Yolanda survivors: “I’m here to be with you. A little bit late I have to say, but I’m here."

“Some of you lost your families. All I can do is keep silent and I walk with you all with my silent heart," says Pope Francis in an emotional homily speech to Yolanda survivors in Tacloban. Pope Francis chose to speak spontaneously in Spanish to further convey his message to the massive crowd.


Sa kabila ng bagyong Amang, todo ang ngiti ni Pope Francis, 78, nang salubingin siya ng libu-libong Yolanda survivors at pilgrims sa Tacloban.

Bandang 8:47 a.m. nang lumapag ang eroplanong sakay si Pope Francis sa Daniel Romualdez Airport.

Sinuong ni Pope Francis ang ulan at malakas na hangin at walang suot na raincoat nang siya ay bumaba ng eroplano papunta sa kanyang pope mobile.

Tinatayang 600 na youth dancers ang sumalubong kay Pope Francis, habang ang libu-libong pilgrims ay masayang kumanta ng "Papa Francesco Viva El Papa" bago nagsimula ang misa.

Ang pagbisita ni Pope Francis sa mga biktima ng bagyong Yolanda (international name: Haiyan) ang itinuturing na pinakamahalaga niyang misyon sa pagpunta ng bansa.

Lalo pa’t isa si Pope Francis sa international leaders na nagpahayag ng pakikisimpatya sa Pilipinas nang manalanta ang bagyong Yolanda sa Central Visayas, noong November 2013.

Sa isang open-air quadrangle malapit sa Tacloban airport idinaos ang misa kung saan nagbigay ng homily si Pope Francis.

Mahigit na 300 Yolanda survivors ang bumubuo ng choir at orchestra na nanguna sa pagkanta ng praise and worship songs kasabay ng libu-libong katao.

Pinili ni Pope Francis, na isang Argentine, na magsalita sa wikang Espanyol upang maipahayag niya nang maigi ang saloobin para sa Yolanda survivors.

Sa tulong ng isang translator, naisalin sa English ang mensahe ng Banal na Papa sa mga taga-Yolanda.

“I’d like to tell you something close to my heart.

“When I saw from Rome the catastrophe, I felt that I had to be here.

“And on those very days, I decided to come here.

“I’m here to be with you. A little bit late, I have to say, but I’m here.”

Binigyang-diin ni Pope Francis na nawa’y manatiling matatag ang pundasyon ng pananampalataya sa Pangingoong Jesus ng mga biktima ng naturang trahedya, sa kabila ng sakit na pinagdaanan nila.

ADVERTISEMENT - CONTINUE READING BELOW

“I come to tell you that Jesus is Lord. And he never lets us down.

“'Father,’ you might say to me, ‘I was let down because I’ve lost so many things—my house, my livelihood, my family.’

“It’s true, if you would say that, and I respect those sentiments. But Jesus is there nailed to the cross and from there he does not let us down.”

Sabi pa ni Pope Francis, “And if today we find ourselves 14 months afterwards here, 14 months precisely after typhoon Yolanda hit, it is because we have security of knowing that we are not going to weaken in our faith.

“Because Jesus has been there before us. In his passion, he assumed all our pain.”

Marami sa mga nagsipagdalo ng misa ang naging emosyunal at hindi napigilang mapaiyak habang nakikinig kay Pope Francis, na halatang apektado rin at taos-pusong nakikiisa sa biktima ng bagyong Yolanda.

“Some of you lost your families. All I can do is keep silent and I walk with you all with my silent heart,” saad ni Pope Francis.

Aminado si Pope Francis na hindi sapat ang anumang salita upang mapawi ang sakit na naranasan ng Yolanda survivors.

Kaya't paulit-ulit niyang inihayag na patuloy na magdasal at magtiwala na tanging ang Panginoong Hesus lamang ang masasandalaan sa oras ng kagipitan.

Aniya, “This is what comes from my heart and forgive me if I have no other words to express this.

“But please know, Jesus never lets you down. Please know, that the love and tenderness of Mother Mary never lets you down.”

Pasado 10:30 a.m. nang matapos ang misa na pinangunahan ni Pope Francis.

Pagkatapos ay muling sumakay ng pope mobile ang Banal na Papa upang masilayan ang ibang residente ng lugar sa pamamagitan ng motorcade.

(UPDATE) Ayon sa kanyang original itinerary, nakatakadang magtanghalian si Pope Francis kasama ang piling Yolanda survivors sa Gonzaga Haus (o archbishops residence) sa Palo, Leyte bandang 12:45 p.m.

ADVERTISEMENT - CONTINUE READING BELOW

Magkakaroon din ng blessing sa mga residente lugar bandang 3:00 p.m.

Ngunit napaaga ang pagdating ni Pope Francis sa Archbishops Residence upang makadaupang-palad ang 25 Yolanda survivors at limang Bohol earthquake survivors bandang 11:30 a.m.

Susundan dapat ito ng paggawad ng blessing ni Pope Francis sa tinaguriang Pope Francis Center For The Poor na inihandog ng Vatican para sa mga matatanda at batang biktima ng bagyong Yolanda.

Pagkatapos nito ay nakatakda rin dapat magkaroon ng Liturgical Reception sa Palo Cathedral.

Ngunit ilang minuto pagkatapos na makasama ni Pope Francis sa isang closed-door meeting ang piling Yolanda survivors, dumiretso siya sa Cathedral para sa isang biglaang announcement.

Humingi siya ng dispensa sa mga taga Leyte dahil imbis na 5:30 p.m. pa ang alis niya ng Tacloban ay napaaga ito ng 1 p.m., sanhi ng bagyong Amang.

“So I apologize to you all.

“I'm sad about this, truly saddened because I had something prepared especially for you.

“Bet let us leave everything in the hands of our Lady because I have to go now,” saad ni Pope Francis.

Pagkatapos nito ay muling sumakay ng pope mobile si Pope Francis pabalik ng Tacloban airport mula sa bayan ng Palo.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN