Nakapukaw sa atensiyon ng mga manonood ang panayam ni Vice Ganda kina Angelica Panganiban at John Prats sa Gandang Gabi Vice kagabi, February 8.
Sa naturang episode, naikuwento ni Angelica ang simula ng relasyon nila ng boyfriend niya ngayong si John Lloyd Cruz.
Natatawa ring ibinahagi ng aktres kung paano niya ito nasabi sa kanyang best friend na si John, na dating boyfriend ni Shaina bago naging sila ni John Lloyd.
“'Di ko talaga alam paano ko sasabihin sa kanya kasi bina-bash kaya namin dati si Lloydie 'tsaka si Shaina,” sabi ni Angelica.
Agad naman niyang nilinaw na ginagawa nila ang pangba-bash dati upang madaling maka-move on si John sa breakup nila ni Shaina.
“Sinasabi ko talaga, ‘Ano ka ba, kaya mo 'yan, isipin mo hindi sila bagay, maghihiwalay din sila.’
"Ako pala magiging dahilan!” natatawang sabi ng That Thing Called Tadhana actress.
Dahil dito, tinanong ni Vice si Angelica kung siya nga ba ang naging dahilan ng paghihiwalay nina John Lloyd at Shaina.
Maikling sagot ng Kapamilya actress, “Feeling ko.”
Nagulat naman si Vice nang pabirong sinabi ni Angelica, “Si Shaina, ano kaya nararamdaman, best friend ko, 'tapos dyowa niya dati... Ako ang nagwagi.”
DID SHAINA REACT? Ilang oras matapos maiere ang naturang episode ng Gandang Gabi Vice, nag-post ni Shaina ng isang quote mula kay Thema Davis.
Sa caption nito, sinabi ng nakababatang kapatid ni Vina Morales:
“ONE thing I DO BEST to people who "try" to put me down and "try" to break me even if Im not doing anything to them? ?ﾟﾙﾏ?ﾟﾙﾏ?ﾟﾙﾏ?ﾟﾙﾏ?ﾟﾙﾏ?ﾟﾙﾏ? I PUT YOU ....ON MY PRAYER LIST ?ﾟﾙﾏ exactly what i did before, and what i still will continue to do 3 years after#takethehigherroad ?#butplsdontmentionmynameeverrragain.”
Hindi naiwasan ng followers ni Shaina na maiugnay ito sa naging pahayag ni Angelica.
Sabi kasi ni Shaina: “[J]ust a lil bumpy moment this evening based on friends texts but all good.”
Taong 2012 nang kumpirmahin ni Shaina ang paghihiwalay nila ni John Lloyd.