Angelica Panganiban wears blue lipstick to show support for Alyssa Valdez and the Ateneo Lady Eagles

Tinupad ni Angelica Panganiban ang kanyang pangakong magsusuot ng blue lipstick bilang suporta sa paborito niyang UAAP Women’s Volleyball team, ang Ateneo Lady Eagles, sa laban ng mga ito kontra sa De La Salle Lady Spikers sa SM MOA Arena kahapon, February 18.

Ayon sa Facebook post ng YES! Magazine ngayong araw, February 19, talagang “hardcore fan” si Angelica ng star player ng Ateneo Lady Eagles na si Alyssa Valdez.

Nagkakilala ang dalawa nang mag-guest ang volleyball player sa gag show ng aktres sa ABS-CBN, ang Banana Split, noong 2014.

Nagsimula ang pangako ni Angelica na magsusuot siya ng asul na lipstick sa palitan nila ng mensahe ni Alyssa .

Nang i-congratulate ni Alyssa si Angelica para sa pagganap nito sa pelikulang That Thing Called Tadhana, lumabas ang pagka-fan ng aktres at ipinangakong kapag manonood siya ng laro ng Ateneo laban sa DLSU, isusuot niya ang blue jacket na ibinigay ni Alyssa at maglalagay rin siya ng blue lipstick.

Isnt she lovely? Sorry @alyssa_valdez2 for posting our personal convo. Im just a proud fan. 😩😩😩 baka pag nakita mo ko, sabihin mo, "ayan yung stalker ko" 😂 you and ur team "amazes" me lets all have a fun play tmrw 😂 animo ka man o naka blue lipstick 😂 PUSO 💙💙💙

A photo posted by Angelica Panganiban (@iamangelicap) onFeb 17, 2015 at 6:08am PST

Kahapon, pagkatapos talunin ng Ateneo ang DLSU sa apat na sets, pumunta si Angelica sa locker room ng Lady Eagles at matiyagang naghintay kay Alyssa at sa kanyang teammates na matapos sa kanilang media interviews.

At kagaya ng isang loyal fan, nagpa-picture si Angelica kasama si Alyssa at ang buong Ateneo women’s volleyball team.

That moment when you get to see your idols 😍💙😍 congratulations ALE!!! Wala akong care kahit mukhang multo ako sa blue lipstick ko kanina 😂 nung nag tie na sa set 3 na 22-22... Nag blue lipstick na ko!!! 😂 ate ganda @alyssa_valdez2 salamat at dinala mo kami sa locker nyo!!! Happiest moment ever!!! Halata ba sa smile ko na ako ang pinaka masaya??? Hey @iamsam_one @andoyranay ulitin natin to sa March8 or 11 😊 ang dance steps at pag upo at tayo natin. At pag thats mah gurl naten 😂 lalo na dun sa last point na WAG KAYONG BIBITIW!!! KAPIT LANG!!!! Ayuuuun,,,, may sore throat... 👏

A photo posted by Angelica Panganiban (@iamangelicap) onFeb 18, 2015 at 7:16am PST

Nakunan din ng video ang pagkikita nina Angelica at Alyssa sa dugout. Kasama ng aktres ang direktor na si Andoy Ranay.