Nilinaw ng actress-beauty queen na si Alma Concepcion na hindi pa pormal na naghahain ng reklamo ang kampo niya laban sa ama ng kanyang anak na si Dody Puno.
Matatandaang isiniwalat ni Alma, sa pamamagitan ng Facebook, ang kanyang hinaing laban kay Dody dahil hindi na umano nagbibigay ng sustento ang negosyante sa kanilang 15-year-old son.
Sa panayam ng PEP.ph (Philippine Entertainment Portal) kay Alma sa pagbubukas ng bagong opisina ng JC Premiere, sa Greenhills, San Juan City, noong April 18, kinumusta namin sa kanya ang reklamo niya laban kay Dody.
Saad ng dating Bb. Pilipinas-International titleholder, “Actually, I don’t have any problem being a single mom…
“I’m an interior designer now, aside from being an actress, and I do construction.
“Pero hindi naman ibig sabihin nun na kailangan nang huminto ng father ng anak ko... to stop supporting his son.
“Hindi reason na yung mother is doing well and successful.
“It’s not a license for a father to resign being a father.”
Itutuloy ba niya ang pagsasampa ng kaso laban sa ama ng kanyang anak?
Saad ni Alma, “It’s already under Atty. Harry Roque [her legal counsel], so he’s the one handling the case.
“I don’t know if we will file a case but, as of now, we’re still waiting. We already wrote a letter to him [Dody].
“Siya ang magde-decide kung my son will file a case against his father.”
Paglilinaw pa ng aktres, “Actually, I’m not the one filing, I’m just the guardian of my son.
“So, if it’s like a Violence Against Women and Children, it’s actually my son versus his dad.”
FINANCIAL SUPPORT. Nag-uusap pa ba sila ni Dody tungkol sa kanilang anak?
Pahayag ni Alma, “That’s why my attorney wrote a letter to him, kasi he is not talking to me.
“Dati kasi, ‘pag gipit siya, nagsasabi siya sa akin. Nagsasabi na, ‘Alma, wala akong pera ngayon.’
“Out of the fifteen years of my son, he fully supported the last 10 years.
“On the first five years of my son, he was honest enough to tell me that he is hard up. Irregular lang noon and kung ano lang ang maiabot niya.
“But it’s a different case now. He just stopped communication.
“All of the people around him are saying that business is bad…
“So, how come he is not talking to me as the mother of his son?
“Okay lang naman if major age na yung anak ko, like 21 years old… he just turned 15.
"I don’t see any reason."
Patuloy pa niya, “He comes from a family of lawyers; his father is former Justice Puno.
“I don’t understand, how come medyo nakakalimutan na niya yata yung mga law?
“Basically, I’m not emotional about this.
"Yung tama lang, yung sinasabi ng batas. Yun lang naman yung gusto ko, e.
“Parang, who else will fight for my son? Sino lang ang kakampi ng anak ko?
“I only have one son, I only have one child.
“So, sabi ko, I’m left with no choice.
“Actually, sagabal ‘to sa trabaho ko.
“Yung mga meeting-meeting with the lawyer, it’s hassle. I won’t earn from it.
"Kaya lang, siyempre I’m left with no choice—to be quiet or to fight or to file for my son.
“To be quiet, parang my inner voice is telling me, ‘I’m gonna be a selfish mother if I keep my silence.’
“So, ngayon, a mother will just have to do what she has to do.”
BETTER LIFE FOR THEIR SON. Ano ba eksakto ang hinihingi nila mula kay Dody?
Saad ni Alma, “Kung ano lang yung kaya niya.
“Actually, according to the law… kung ano ang capacity ng father.
“For me, I can support my son, but with his help, then we will have a better option.
“Like, for example, if we combine our money, we can afford a better school.
“Basically, the life of the child will be better if the parents are helping."
Dagdag niya, “He thinks that he has helped enough.
“Pero ayon sa batas, hindi naman natatapos ang enough, e. Dapat hangga’t nag-aaral ang bata.
“If there’s a new law na he’s coming up with na puwede na palang tumigil after giving, puwede na, patingin naman nun.
“Hindi ko nakita sa Family Code yun, e.”
Ayon pa kay Alma, alam ng kanyang anak ang sitwasyon nila ni Dody.
“I made him choose, e. Tanong ko sa kanya, ‘Anak, you want us to shut up or you want to demand?’
“Kasi, eventually, when he becomes 21, he’s gonna deal with it. Yung hindi pagiging fair.
“So, ang tanong is, ‘Can he handle it on his own or kasama niya yung mommy niya?’
“Napaaga lang, ‘eto rin ang ending, e, lalaban din naman yung anak ko, e.
“At least ngayon that he is 15, at least may kadamay siya.
“Maramdaman niya na talagang kakampi niya ang mom niya.”
FATHER AND SON. Ngunit nilinaw ni Alma na hindi galit ang kanyang anak kay Dody.
“No. Actually, ever since my son was born, the dad doesn’t have a record of good relationship with his kids.
“Kasi hindi lumaki sa kanya, hindi masyadong close.
“May mga resentments, kasi yung dad, mahilig mag-overlap ng relationships.
“Ngayon, my son and Dody Puno’s relationship is solid because, with or without money, even though he was not supportive regularly, I gave my son to him every Friday to Saturday.
“Since the 100 percent custody is on me and I’m not married to him, so I voluntarily sent my son to him every Friday to Saturday. All Christmases, all New Years, all summers...
“Why did I do that? Because I want him to have a solid relationship with my son, which is different with his other kids.
“Sabi ko, I’m a single mom, and there’s no father figure in the house…
“Sabi ko, this is his last chance to be a father.”
Pero natigil na raw ang pagkikita ng mag-ama pagkatapos ng open letter ni Alma sa Facebook na naging viral.
“I told him na, ‘If you’re ignoring us, then we will ignore you.’ Yun, nag-stop na dun.
“With full consent of my son, kasi sabi ko, puwede naman nating ituloy yun.
“We survived seven months na feeling normal yung life natin, punta ka pa nang punta dun, ignoring the problems.
“Puwede namang ituloy yung ganung set-up, na kunwari walang problema for the next ten years, e.
“Pero parang may mali pa rin, e.
“He see my son, continue pa rin yung buhay nila, pero he stopped supporting and he stopped communicating with me about finances.
“So, the change came from him, it didn’t come from me.
“Actually, their father-and-son relationship was because of me, ‘coz I allowed it.
“E, kung noon palang hindi ko na pinayagan, kasi he was hard up for the first five years of the life of my son, hindi siya nakakapagbigay, naputulan ako ng credit card…
“Ngayon, kung naghihirap siya, I don’t know, he’s not telling me… Bakit ‘di niya ako kausapin?”
Ed’s Note: Bukas ang PEP sa panig ni Dody Puno kaugnay ng mga pahayag ni Alma Concepcion.