Ryza Cenon will not confirm rumored closeness of her friend LJ Reyes and Paolo Contis

Apart from her showbiz commitments, Ryza Cenon is also busy with the food business she set up in partnership with LJ Reyes, “Nag-start kami sa bazaars pero we are now accepting delivery and pickups and event catering."


Ayaw kumpirmahin o itanggi ni Ryza Cenon ang balitang may namamagitan na sa kaibigan niyang si LJ Reyes at sa aktor na si Paolo Contis.

Sabi niya sa panayam ng PEP.ph (Philippine Entertainment Portal), “Mas maganda po na sila ang tanungin ninyo!

“Hindi ko kasi pinakikialaman ang lovelife ni LJ.”

May naikukuwento ba si LJ sa kanya?

“Hindi naman namin masyadong pinag-uusapan yung lovelife namin,” giit ni Ryza.

Kung totoong sina LJ at Paolo na, susuporta ba si Ryza bilang kaibigan?

Sagot niya, “Kung maging sila man, bilang kaibigan, kung saan masaya si LJ, dun rin ako at susuportahan ko siya.”

Magka-batch sina Ryza at LJ sa second season ng StarStruck ng GMA Network, kung saan si Ryza ang itinanghal na Ultimate Female Survivor at si LJ naman ang First Princess o runner-up.

DATING A NON-SHOWBIZ. Kumusta naman ang lovelife ni Ryza?

“Wala pa rin. Date-date lang muna!” tawa niya.

ADVERTISEMENT - CONTINUE READING BELOW

Non-showbiz daw ang lalaking nakaka-date ni Ryza at exclusively dating daw sila.

Kapag wala siyang taping ay ang pagiging negosyante naman ang pinagkakaabalahan ni Ryza.

“Kapag wala po akong taping, inaasikaso ko po yung business namin ni LJ na Paburrito by Bahilya po.

“Ang concept po niya is paboritong Pinoy na ulam in a burrito.

“Dito din galing ang name, yun pong original concept is a contemporary Filipino fusion restaurant.

“In the process of recreating Filipino dishes, naisip na i-combine ang burrito at ang mga common favorite Filipino dishes.

“Similarity sa Mexican [burrito] at Filipino food ay rice.

“Ang advantage po niya is complete meal at handy."

Sabi pa ni Ryza, “Nag-start kami sa bazaars, pero we are now accepting delivery and pickups and event catering.

“Follow lang po kami sa Instagram: @bahilya o sa Twitter: @BahilyaInc at sa Facebook: www.facebook.com/Bahilya sa details po ng delivery, caterings and events.

ADVERTISEMENT - CONTINUE READING BELOW

"Or email po kami paburrito.bahilya@gmail.com.”

MAGPAKAILANMAN EPISODE. Incidentally, magkasama sina Ryza at Paolo sa upcoming episode ng Magpakailanman, na pinamagatang "Tapat Na Asawa, Baliw Na Ina: The Ompong and Vangie Pagunsan Story", na idinirek ni Laurice Guillen.

Challenging daw para kay Ryza ang role niya dito.

“Ang challenge siguro sa akin yung first time ko makatrabaho lahat ng cast.

“At saka Direk Laurice siya, so dapat focused ka at ibigay mo ang one hundred percent mo sa lahat ng eksena.”

Kasama rin sa Magpakailanman episode na ito sina Ina Feleo, Carl Acosta, Manie Lapus, at Bryan Benedict.

Sa taping ba ay napagkukuwentuhan nila ni Paolo si LJ?

Sagot ni Ryza, “Hindi, e, kasi mabibigat ang mga eksena ni Paolo kapag ako ang kaeksena na niya, so focused siya sa mga eksena.

“Ako si Elena na magkakagusto kay Ompong [Paolo] at mag-aalaga habang nasa mental hospital yung asawa niya.”

ADVERTISEMENT - CONTINUE READING BELOW

Gaganap na asawa ni Paolo si Ina bilang si Vangie.

Ipalalabas ang naturang episode ngayong Sabado, June 20.


COMMENTS

Loading comments

THIS JUST IN

Close