Piolo Pascual to Judy Ann Santos: “Sana maka-work kita ulit.”

Bukod sa pinasalamatan ni Piolo Pascual si Judy Ann Santos dahil nakilala siya sa kanilang tambalan, sinabi pa ni Piolo na sana muli silang magkatrabaho ng aktres.


“Sana maka-work kita ulit,” bahagi ito ng post ni Piolo Pascual sa kanyang Facebook at Instagram accounts ngayong hapon ng Linggo, June 21.

Kalakip ito ng larawan nila ni Judy Ann Santos, dati niyang screen partner.

Kuha ang larawan sa backstage ng ASAP 20 kung saan naging guest ang aktres.

Pinasalamatan din ni Piolo si Juday dahil nabigyan daw siya ng pagkakataong makilala sa showbiz nang makatambal ang aktres.

“So great to see the person that gave me my biggest break in showbiz... I'll always be indebted to your kindness?... Congrats on another blessing;) Sana makawork kita uli @officialjuday”

Nagsimula ang tambalang Piolo-Juday sa teleseryeng Esperanza noong late '90s na naging pelikula pa. Subalit pumatok at naging phenomenal ang kanilang love team noong early 2000.

Kabilang sa mga pelikulang ginawa nila ay Bakit 'Di Totohanin (2001), Till There Was You (2003), at ang Don't Give Up on Us noong 2006 na pinakahuling project nila.

Mula noon ay hindi na nasundan ang nasabing pelikula, sa kabila ng hiling ng kanilang mga fans, dahil nagkaroon daw ng samaan ng loob ang dalawa.

ADVERTISEMENT - CONTINUE READING BELOW

Noong 2012, sinabi ni Juday sa isang interview na hindi siya tumatanggi sa posibilidad na magkatrabaho silang muli ni Piolo, subalit ayaw raw niya itong piliting mangyari.

“Mangyayari kung mangyayari,” sabi pa ng aktres.

Watch: Judy Ann Santos on reunion project with Piolo Pascual: "Anything can happen... but not this year."


COMMENTS

Loading comments

THIS JUST IN

Close