Direk Dominic Zapata denies The Rich Man’s Daughter will shut down to make way for Marimar

Director Dominic Zapata is paying close attention to the taste of the Filipino TV watchers, mindful of their exposure to global entertainment. He says, “Pagagandahin natin ang television kasi kabuhayan natin ito, e. Kapag pinabayaan natin baka mawala sa atin, baka iba yung umuso, baka reality TV na yung mauso, baka puro game shows."


Nilinaw ng direktor na si Dominic Zapata ang usap-usapang minamadaling tapusin na ang the The Rich Man’s Daughter (TRMD) para sa Marimar.

Si Dominic ang direktor ng TRMD nina Rhian Ramos at Glaiza de Castro na umeere ngayon sa GMA Network.

Siya rin ang hahawak ng remake ng Marimar na pagbibidahan naman nina Megan Young at Tom Rodriguez.

Ayon kay Direk Dom, “Hindi! Mukha bang minamadali?

Natatawa pa niyangs abi, “Namumroblema nga sila [GMA], ang bagal-bagal ko raw, e!”

Hindi raw totoong puputulin ang TRMD para bigyang-daan ang Marimar.

“Hindi! Hindi siya ika-cut short, magagalit ang netizens.

“Hindi ko nga sure, baka sila pa yung magpalitan... I’m not sure.”

Ang posible raw mangyari ay ieere ang Marimar pagkatapos ng TRMD.

“So, it works against me kung binilisan ko ito, kasi hindi naman ako prepared dun sa isa.

“Meron lang agreement na on certain days ito yung Marimar, on certain days yung The Rich Man’s Daughter.

“Hindi ko mabitiwan, it’s too close to my heart, yung The Rich Man’s Daughter.

“But I’ve done it before, the worst... I was doing Sugo ‘tapos I was doing Mulawin The Movie, and I was doing Darna of Angel Locsin.

“Tatlo yun, nagsabay-sabay, so it’s doable.

"It only overlaps, let’s say about five weeks, six weeks.

“Patayan lang nang konti, pero you can’t turn down work, parang grasya yun, e.

“Tsaka ang daming naghahanap ng trabaho, tapos hihindian mo?”

Nakausap ng PEP.ph (Philippine Entertainment Portal) si Direk Dominic sa taping ng The Rich Man’s Daughter noong Miyerkules, June 24, sa MegaTent, Libis, Quezon City.


MAKE IT BETTER. Halos lahat ng malalaki at mapangahas na mga proyekto ng GMA ay ipinagkakatiwala kay Direk Dominic.

Siya rin ang direktor ng highly-successful na My Husband’s Lover.

Pahayag niya tungkol dito, “Hindi ko naman inisip na iyon yung bigatin, kasi yung iba rin pinapanood ko, bigatin din sila, mabigat din sila.

ADVERTISEMENT - CONTINUE READING BELOW

“But kung iyon yung pananaw ng network, then I take full responsibility, and siyempre susuklian ko naman.

“The kind of sense of responsibility, the kind of sensitivity, and the kind of attention to detail that every show requires.

“And then, at the same time, na you’re still moving forward, ini-improve mo pa rin yung craft.

“It always scares me na kapag ginawa ko ito, nagawa ko na siya dati ‘tapos wala na akong naidagdag pa.

“I kinda make sure, para humaba ang buhay ng television and telenovelas, I may be able to add a little something to every show.

“Convince everyone also in the team, including the actors, na ganito na yung sistema.

“Pagagandahin natin ang television kasi kabuhayan natin ito, e.

“Kapag pinabayaan natin, baka mawala sa atin, baka iba yung umuso, baka reality TV na yung mauso, baka puro game shows.

“So, while we still have this job and we still have a good following, pagagandahin at pagagandahin para hindi sila bibitaw.

“Para nakikita rin nila na tumataas ang panlasa ng Pilipino, e, ‘tapos ang sama naman natin na hahayaan lang natin.

“Ibibigay pa rin natin sa kanila yung dati pa rin nilang kinakain, wala tayong ibinibigay na bago sa kanila.

“Kung restaurant ka, lalayasan ka ng customers mo.

“So, iyon lang, I just make sure that everyone is on the same page and, of course, it takes a lot of extra effort.

“Every time, if you’re trying to improve, you’re always out of your comfort zone, hindi na kumportable, nahihirapan ka na dati.

“‘Tsaka bakit ganito, parang ang daming anggulo, ang daming ganun, bakit sa lighting, ang detalye, pati yung ganun?

“Ganun ang kalakaran, e, we all have access to global entertainment, we know which is good quality and which is not.

“Nanonood lahat ng Game of Thrones, nanonood ng Empire, nanonood ng kung anu-anong TV shows.

ADVERTISEMENT - CONTINUE READING BELOW

“‘Tapos, ayoko naman pag makita nila, ‘Ay, Pilipino!’

“Kailangan pa nilang patawarin tayo dahil Pilipino tayo?

“Hindi! Hangga’t maaari, ilalapit natin siguro ang antas ng gawa natin para may pride ka rin as a Filipino.

“Ganun naman ang shows namin.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN