Marvin Agustin, Carlo Aquino also offer to help Ang Tanging Ina ’brother’ Jiro Manio

Pinasalamatan ni Ai-Ai delas Alas ang mga aktor na sina Marvin Agustin at Carlo Aquino sa pag-aabot nila ng tulong para kay Jiro Manio. Sina Marvin, Carlo, at Jiro ay gumanap na mga anak ni Ai-Ai sa Ang Tanging Ina movie franchise.


Lubos-lubos ang pasasalamat ni Ai-Ai delas Alas sa pagpapakita ng malasakit at handang pag-abot ng tulong ng kanyang mga kapwa-artista na sina Carlo Aquino at Marvin Agustin para kay Jiro Manio.

Sina Marvin, Carlo, at Jiro ay gumanap na mga anak ni Ai-Ai sa Ang Tanging Ina film series ng Star Cinema.



Naging vocal si Ai-Ai sa pagtulong kay Jiro matapos mabalitang nagpapalaboy-laboy ang dating child actor sa Ninoy Aquino International Airport Terminal 3 noong isang linggo at tila wala raw sa tamang pag-iisip.



Sa pamamagitan ng kanyang Instagram account, nagpasalamat si Ai-Ai sa kanyang mga “anak-anakan” na sina Marvin at Carlo sa pag-aabot nila ng tulong para sa kanilang “kapatid.”



Nitong Linggo, July 5, ipinost ni Ai-Ai ang screen grab ng palitan ng text messages nila ni Marvin kung paano nila matutulungan si Jiro.

Sa palitan ng text messages, pinakiusapan ni Ai-Ai si “Juan” (role ni Marvin sa Ang Tanging Ina film series) na tulungan si Jiro na makapagtrabaho kapag gumaling na ito.

ADVERTISEMENT - CONTINUE READING BELOW



Kilala si Marvin sa pagkakaroon ng restaurant business.



Ayon sa caption ng nasabing Instagram post ni Ai-Ai: “Thank you baby boy juan anak ... Salamat sa pagtulong m saken at sa kapatid mo ... Ang pelikula naging totoong buhay .. GOD BLESS YOU MORE MARVIN AGUSTIN labyu”

Noong nakaraang linggo, ipinost naman ni Ai-Ai sa Instagram ang mga mensahe ng pagsuporta ng kanyang followers, pati na rin ang palitan ng text messages ni Carlo sa panganay ni Ai-Ai na si Sancho upang makibalita tungkol sa kalagayan ni Jiro.



Sinabi rin ni Carlo na mag-aabot siya ng tulong para sa kanyang “kapatid” na si Jiro.


COMMENTS

Loading comments

THIS JUST IN