Magkakaroon na ng anak ang mag-asawang Robin Padilla at Mariel Rodriguez.
Kinumpirma ni Robin ang pagbubuntis muli ni Mariel sa pamamagitan ng kanyang Instagram account (robinhoodpadilla) ngayong araw, August 1.
Nag-post si Robin ng larawan ng ultrasound at nilagyan niya ito ng caption na: "Maria and Juan de Padilla IN SHA ALLAH GOD WILLING"
Lumalabas na kambal ang ipinagbubuntis ni Mariel sa pagkakataong ito.
ðŸ™ÂMaria and Juan de Padilla IN SHA ALLAH GOD WILLING
A photo posted by robin padilla (@robinhoodpadilla) onJul 31, 2015 at 11:45pm PDT
Matatandaang noong Marso lamang ng taong kasalukuyan ay nakunan si Mariel sa una sana nilang anak ni Robin.
Read: Mariel Rodriguez confirms miscarriage: “A small part of me has died.”
Bago ang pagpu-post ni Robin ng ultrasound ni Mariel ay nag-post din ang action star ng larawan ng kanyang misis habang nasa hospital bed.
Naka-confine ang Kapatid TV host sa Asian Hospital sa Muntinlupa, Alabang.
Caption niya rito: "When the Angel sleeps"
A photo posted by robin padilla (@robinhoodpadilla) onJul 31, 2015 at 7:52am PDT
Kagagaling lang nina Robin at Mariel sa Spain, kung saan sila nanatili ng ilang linggo, kaya malaki ang posibilidad na doon sila nakabuo.