John Arcilla compares local and foreign film productions: “Mas marami tayong kuwento.”

John Arcilla on what makes Filipino films stand out: "Very artistic tayo. Ang dami nating pinagdadaanan bilang bansa kaya marami tayong kuwento."


Inamin ng international Filipino actor na si John Arcilla na mas madaling magtrabaho sa foreign productions kumpara sa Philippine counterpart nito.

Pahayag ng award-winning actor, "Ang ikinalulungkot ko lang sa atin, yung more than eight hours [of work].

"Talagang magdamag, 24 hours. Nakanganga ka pa para magtrabaho.

“Sa kanila, once na pumatak ng eight hours, aba, metro na yun.

"E, dito sa atin, pag 12 hours, puwedeng half na lang [ang bayad]. May tawad pa.

“Yun ang nakakalungkot dun.

"But, I think, laging madalian because of the ratings game."

Maliban sa local films ay nakalabas na rin sa ilang foreign films si John; kabilang na rito ang The Bourne Legacy (2012) at Metro Manila (2013).

Sinabi rin ni John na mas masarap magtrabaho sa international production dahil kulang sa pera ang local production.

"Disiplinado rin tayo, mabilis tayong magtrabaho, pero kulang lang tayo sa money.

"Kung maraming pera ang mga Pilipino, ang dami nating ideya.

“World class ang ating art.

“Hindi tayo nahuhuli. Hinding-hindi."

BOURNE LEGACY. Ibinigay pa niyang halimbawa ang Hollywood movie na The Bourne Legacy, kung saan kasama siya, na kinunan dito sa Pilipinas.

"Isipin mo, yung napakaiksing eksena ko sa Bourne Legacy.

"Twelve hours yun ginawa, iba’t ibang anggulo.

“Hindi [tumagal ang shooting ng eksena] dahil nagka-cut sila kasi mali ang acting.

"Iba’t ibang anggulo lang talaga ang kinukunan at pinagsasawaan nila hanggang sa makuha nila yung gusto nila.

"Hindi dahil mali ka, pangit ang acting mo, no!

“Sabi ko pa nga kay Tony Gilroy [direktor ng Bourne Legacy], ‘What do I need to do here? Is he [John’s character] a corrupt security guard? Is he a simpleton or an undergraduate?’

“There are nuances, e. If you are an uneducated guard, usually you tend to speak carabao English.

"But if you’re an educated guard, at least you can mimic.

ADVERTISEMENT - CONTINUE READING BELOW

"Sabi ni Gilroy, ‘I need you to do what I saw in your reading.’

"So, kung ano ang ginawa ko sa audition, yun din ang ginawa ko.

“Iba't ibang shots yun, may crane, kung anu-ano. Kasama si Jeremy [Renner, star ng Bourne Legacy] dun."

Patuloy ni John, “Kung may pera tayo, we can do those shots as many as many we can.

"Very artistic tayo. Ang dami nating pinagdadaanan bilang bansa kaya marami tayong kuwento.

“Ang kagandahan lang dun, may stand-in ako na ka-height ko, ka-color ko, kahawig ko... O, di ba, pang-Holywood talaga?

“Trinust ka na nila kaya kampante sila sa gagawin mo.

"Ang ano lang dun, yun timing, yung jeep, yung tao, yung pumasok ka, nag-blink si ganito.

"Yun ang hinahanap nilang perfection. That’s Hollywood.

“Isipin ninyo, hindi ako na-intimidate sa dalawang stars [Jeremy at Rachel Weisz]. Normal lang sila sa akin.

“Akala ko nga, mai-starstruck ako sa kanila. Sila mismo, walang feel na 'star ako.'"

“And I can feel naman na most of them respect me," pagtukoy naman niya sa mga kabataang artista.

"Kaya lang, yung iba, parang… kasi pinalaki silang stars nung iba, e.

"Ganito ang paghu-hone sa kanila, kaya ganun yung pakiramdam nila.

“Ngayon, sa mga younger stars, marami na akong nakikita na parang normal na sila.”

Sinabi rin ni John na angat ang mga Pilipino pagdating sa mga kuwento.

“Mas marami tayong paghihirap. Mas marami tayong kuwento.

"Nauubusan na nga sila ng kuwento kaya naghahanap sila ng bagong istorya, kasi wala na silang maikuwento tungkol sa bayan nila.

“Ang yaman natin sa ideas.

"Kahit sa mga crew, ang bibilis magtrabaho.

"Tayo, we work under pressure."

Nakapanayam ng PEP.ph (Philippine Entertainment Portal) si John matapos ang presscon proper ng kanyang pelikulang Heneral Luna noong August 27.



PORTRAYING ANTONIO LUNA. Walang kahirap-hirap na naitawid ni John ang pagganap niya bilang General Antonio Luna sa filmbio na ito na ipalalabas sa mga sinehanan simula sa September 9.

ADVERTISEMENT - CONTINUE READING BELOW

Pero nahirapan daw siya sa palipat-lipat nila na lokasyon para sa mga kinunang war scenes.

Inilarawan ni John ang mga pinagdaanang pagsubok.

“Mahirap yung sa gitna ng araw, palipat-lipat kayo ng lugar—Laguna, Tarlac, Vigan, Bataan—na naggigiyera.

"Yung mga giyera na nasa ilalim ka ng araw, binubuhusan ka ng syrup. My God, ang kati-kati!

“Yun lang naman ang mahirap.

"Sabi ko nga, siguro naging gift na sa akin yung karanasan ko sa pag-portray ng different heroes.

"So, somehow meron na akong advantage doon.

“Ang kaibahan na lang, kailangan na liwanagin sa sarili ko na ang pinanggalingan ng kanyang [Heneral Luna] galit at temper ay hindi lang yung impatience niya, kundi yung totoong pagmamahal niya sa bayan.

“Yung impatience, merong totoong pinanggalingan dahil yung pressure na napakalaki ng kalaban, napaka-powerful and, at the same time, napaka-immediate nung pagkakataon.

“Kasi, right after the Spanish-Filipino revolution dumating ito.

"So, doon manggagaling yung pressure at marami pang colors na pinanggalingan.

“Kailangan malinaw sa aking hindi yung outburst na lang nang outburst.

"Ang tingin ko sa kanya [Luna], hindi naman siya talagang sigaw nang sigaw, galit nang galit.

“Kasi, in the first place, ang totoong ipinagtatanggol niya ay ang Pilipinas.

“Ang sumulat naman ng history ay Amerikano, e.

"Siyempre, palalabasin ba ng Amerikano na hero siya?

"Pero may mga salita silang ‘He’s the bravest general of the Philippines, and you killed him.’”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN