Pagkatapos ng halos sampung buwang pagkawalay sa anak, nakita muli ni Derek Ramsay at ng kanyang 12-year-old son na si Austin Gabriel.
Nangyari ang masayang pagkikita ng dalawa sa Dubai, kung saan kasalukuyang nagbabakasyon ang TV5 star.
Ang kanya namang anak ay sa Dubai nakatira sa ngayon at nag-aaral.
Sa Instagram post ni Derek kahapon, October 18, sinabi nitong walang pagsidlan ang kanyang tuwa at nakita na niya muli ang anak.
“Words can't define how happy I am right now. God is good. Finally, got to see my son again. Love you Austin.”
A photo posted by @ramsayderek11 onOct 18, 2015 at 7:23am PDT
Matatandaang nitong Agosto, naghayag si Derek ng pangungulila sa anak na halos walong buwan na niyang hindi nakikita at wala ring komunikasyon.
Si Austin ay anak ni Derek sa estranged wife niyang si Mary Christine Jolly.
Noong October 2014, pumirma ng compromise agreement ang dalawa para sa kapakanan ng kanilang anak.