Watch Now

Enchong Dee endorses VP candidate Leni Robredo for free

Mar 16, 2016
<p>Citing reasons why he's endorsing VP candidate Leni Robredo, Enchong Dee wrote on his Instagram post" "Hindi ko sya iboboto dahil sumakabilang buhay si Sec. Jess, kundi dahil sa totoo lang mas matagal nanilbihan si Cong. Leni Robredo sa Naga City, Cama

Inihayag ng Kapamilya star na si Enchong Dee ang buo niyang suporta sa vice-presidential aspirant at Camarines Sur representative na si Leni Robredo.

Sa kanyang Instagram post ngayong araw, March 16, ibinahagi ni Enchong na kumpiyansa siyang hindi mangungarakot si Robredo kapag naluklok itong bise presidente sa 2016 elections.

Bilang isang kapwa Bicolano, saksi umano si Enchong sa naiambag ni Robredo, hindi lang bilang government official kundi pati na rin ang libreng serbisyong ibinibigay nito bilang isang abugada.

Pahayag ni Enchong patungkol kay Robredo, “Hindi ko siya iboboto dahil sumakabilang buhay si Sec. Jess [Jesse Robredo, former Department of Interior and Local Government Secretary], kundi dahil sa totoo lang, mas matagal nanilbihan si Cong. Leni Robredo sa Naga City, Camarines Sur [kahit wala siyang posisyon sa gobyerno] kumpara sa mga politikong madalas kong nakikita sa telebisyon.

“Paano? Dahil marami siyang natulungan sa Naga para makamit ang hustisya, paano uli?

“Dahil mahusay na Attorney siya, na madalas pro bono ang mga cases, opo! Lawyer sya na hindi nagpapabayad kadalasan.”

ADVERTISEMENT - CONTINUE READING BELOW ↓

Sa huli, iginiit ni Enchong na boluntaryo niyang ineendorso si Robredo bilang bise presidente sa darating na halalan.

Giit pa ng Kapamilya actor, “HINDI AKO BINAYARAN ng kahit na sino para isulat ‘to.

“Hindi rin ako tinext o tinawagan ng kahit na sino para gawin ‘to.

“Kakagising ko lang at alam ko wala akong nilalabag sa ginagawa ko.

“Bawat isa sa atin ay may opinyon kaya ibinabahagi ko lang ang rason ko kung bakit siya ang pangalawang pangulo ko.

“May responsibilidad tayo bilang #Pilipino para usisain at pag-aralan ang mga kandidato, gawin natin yun kasi tayo din naman makikinabang nito sa susunod na anim na taon.”

Bakit Bise Presidente ko si Cong. #LeniRobredo? 1. Pinanganak at lumaki ako sa Naga City na ang mayor ay si late Sec. Jessy Robredo, kahit sino tanungin mo sa probinsya namin alam kung gaano kabuti at kasipag ang pamilya nila para makatulong sa kapwa, oo pati mga anak nila (Aika, Tricia, Jilian). 2. Hindi sila magnanakaw at Hindi sila namimigay ng pera sa kahit anong special occasion pero araw araw pinalalawak nila ang karunungan para kami mismong mga Nagueño matuto kung paano mamuhay ng sarili at malinis. 3. Hindi ko sya iboboto dahil sumakabilang buhay si Sec. Jess, kundi dahil sa totoo lang mas matagal nanilbihan si Cong. Leni Robredo sa Naga City, Camarines Sur ( kahit wala syang posisyon sa gobyerno) kumpera sa mga politikong madalas kong nakikita sa telebisyon. Paano? ????? 4. Dahil marami syang natulungan sa Naga para makamit ang hustisya, paano uli? Dahil mahusay na Attorney sya, na madalas pro bono ang mga cases, opo! Lawyer sya na hindi nagpapabayad kadalasan. 5. HINDI AKO BINAYARAN ng kahit na sino para isulat to, hindi rin ako tinext o tinawagan ng kahit na sino para gawin to, kakagising ko lang at alam ko wala akong nilalabag sa ginagawa ko, bawat isa satin ay may opinyon kaya binabahagi ko lang ang rason ko kung bakit sya ang pangalawang pangulo ko. May responsibilidad tayo bilang #Pilipino para usisain at pag aralan ang mga kandidato, gawin natin yun kasi tayo din naman makikinabang nito sa susunod na anim na taon.

A photo posted by Enchong Dee (@mr_enchongdee) on

Sa pinakabagong SWS survey, makikitang humahabol ang ranking ni Robredo sa top vice presidential candidates na sina Senator Chiz Escudero at Senator Bongbong Marcos.

Mula sa kanyang 19 percent share of votes noong Pebrero ay tumaas ito sa 24 percent ngayong Marso.

Read: Poe, Binay tie in latest SWS survey

ADVERTISEMENT - CONTINUE READING BELOW ↓
Read Next
Featured
Latest Stories
Trending in Summit Media Network

Featured Searches:

Read the Story →
<p>Citing reasons why he's endorsing VP candidate Leni Robredo, Enchong Dee wrote on his Instagram post" "Hindi ko sya iboboto dahil sumakabilang buhay si Sec. Jess, kundi dahil sa totoo lang mas matagal nanilbihan si Cong. Leni Robredo sa Naga City, Cama
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results