Nag-post si Angel Locsin ngayong Biyernes, December 4, ng mga larawan niya habang nasa hospital bed bago isagawa ang operasyon sa kanya upang malunasan ang kanyang natamong disc bulge sa spine.
Noong Sabado, November 29, kinumpirma ng boyfriend ni Angel na si Luis Manzano ang pagkukunsidera ng aktres na sumailim sa operasyon “anytime soon.”
Read: Luis Manzano on Angel Locsin playing Darna again: “Maybe there’s a good chance if...”
Samantala, sa IG post ni Angel nitong Biyernes, sinabi ng Kapamilya actress na nagpapasalamat siya sa tagumpay ng first stage ng procedure.
Caption ng aktres sa ipinost na larawan: “Photo taken earlier before the procedure :) I'm still a little bit groggy and sore but happy & thankful tapos na ang first stage of the procedure :) thank you all for the prayers! Hoping this is it na.”
A photo posted by Angel Locsin (@therealangellocsin) onDec 3, 2015 at 7:41pm PST
Sa pangalawang post, kasama ni Angel sa larawan ang mga Pilipinong nurse na nag-alaga sa kanya.
Caption ni Angel: “Another photo before heading to lab with the Filipino nurses who took really good care of me :) thank you so much! Mabuhay kayo!”
A photo posted by Angel Locsin (@therealangellocsin) onDec 3, 2015 at 7:45pm PST
Hindi nagbigay ng detalye si Angel kung saang ospital siya dinala, pero base sa comments ng Pinoy nurses na nag-alaga sa kanya, sa isang ospital sa Singapore nagtungo ang Kapamilya actress.
Sa post ng isang Pinay nurse, kung saan kasama si Angel at iba pang nurses, inilarawan nito kung gaano kabait ang aktres sa kanila kaya naman nagpapasalamat sila sa pagkakataong makilala ito.
A photo posted by Christine Joy (@dewofheavens) onDec 3, 2015 at 7:50pm PST