Isang hindi magandang karanasan ang ibinahagi ng mentor ni Miss Universe 2015 Pia Wurtzbach na si Jonas Gaffud mula kay Miss Germany Sarah Lorraine-Riek.
Sa kanyang Facebook post ngayong Martes ng umaga, December 22, ibinahagi ni Jonas ang hindi diumano magandang pakikitungo sa kanila ni Miss Germany pagkatapos ng pageant.
Kuwento niya, “So surprised with Miss Germany. She did something bad to our group.
“Pia asked us to go to her suite as Miss Universe.
“While waiting for the go signal from security, she told us: 'Are you looking for Miss Philippines? She's no longer here, she's on her way to New York!'
“Then we said, she just messaged us on Whatsapp. She answered, 'How could she text you? She's already in the plane. I saw her!'
“Duh? How could she be there and say she saw Pia in the plane? Kaloka. di ba? Hahahaha.
“After a few minutes, we went to Pia's wonderful room with buffet:-) LOL”
Si Jonas Gaffud ang nagsisilbing mentor at manager ni Pia mula sa Aces and Queens, kung saan kabilang din ang mga nakaraang Pinay beauty queens at Miss Universe placers na sina Ariella Arida, Janine Tugonon, Shamcey Supsup, at Venus Raj.
Dahil sa kuwento ni Jonas, hindi maiwasang maiugnay ito sa naging viral video interview kay Miss Germany kahapon, December 21, kung saan inihayag niya ang kanyang pagkadismaya sa naging resulta ng 64th Miss Universe.
Sabi ni Miss Germany sa naturang interview, “I'm really not happy with the result and so do the other girls. I'm sorry to say it.”
Ipinaliwanag din niya kung bakit hindi siya lumapit kay Pia matapos ang coronation night, katulad ng iba pang Miss Universe candidates.
Panoorin ang kaugnay na video rito:
MISS GERMANY'S CLAIM ABOUT PIA. Kaugnay nito, lumabas din sa social media ang Instagram post ni @theroadtomissuniverse na naglalahad ng hindi magandang trato diumano ni Pia kay Miss Germany.
Ani @theroadtomissuniverse, “Miss Universe Germany claims that @piawurtzbachMiss Universe 2015 rolled her eyes every time someone tried to talk to her which I find very hard to believe. What are your thoughts? Is this all out of Jealousy or some truth behind it?”
Kaugnay nito ay ang screenshot ng sagot sa kanya ni Miss Germany na nagsasabing: “@theroadtomissuniverse if She would have even talked to me ore some other girls without rolling eyes when we tried to—I do not care about where someone is from—half german or not—everyone is equal.”
Sinubukan ng PEP.ph (Philippine Entertainment Portal) na hanapin ang post ni @theroadtomissuniverse sa account ni Miss Germany subalit naka-private ang account ng huli sa Instagram.