In the spirit of Christmas, buo ang pamilya nina Raymart Santiago at Claudine Barretto nitong Pasko.
Kahapon, December 25, magkasamang nagdiwang ng araw ng kapaskuhan ang estranged couple kasama ang kanilang dalawang anak na sina Sabina at Santino.
Sa Instagram ni Claudine, nag-post ang aktres ng larawan nilang mag-anak na may caption na, “Merry Christmas po sa inyong lahat."
Si Raymart naman ay nagpost sa kanyang Instagram ng larawan niya kasama ang dalawang anak. Sabi niya sa caption, “Merry Christmas everyone.”
Kasunod naman nito ang video nilang mag-ama habang nagbubukas ng mga regalo ang dalawang bata. Sabi niya, “Priceless moments.”
Sa panayam sa estranged couple nitong mga nakaraang buwan, sinabi nilang isinantabi na nila ang hindi nila pagkakaunawaan alang-alang sa kapakanan ng kanilang dalawang anak.