Tinawag ni Vice Ganda ang atensiyon ng Department of Foreign Affairs (DFA) dahil sa pagpapalabas ng pirated copy ng isang pelikula sa himpilan nito sa Ali Mall, Cubao, Quezon City.
Nagsimula ito nang mag-post sa Twitter ang AdProm manager ng Star Cinema na si Mico del Rosario ng kuha mula DFA-Ali Mall na may tanong na: “Dear DFA ALI MALL, bakit po kayo nagpapalabas ng pirated copy ng A Second Chance dyan? Blatant na po talaga ang paglabag sa batas? Umm.. Government agency po kayo?”
Dear DFA ALI MALL, bakit po kayo nagpapalabas ng pirated copy ng A Second Chance d.... https://t.co/U9npMwisGs pic.twitter.com/flJgOq6RV8
— Mico del Rosario (@micodelrosario) February 5, 2016
Ni-retweet naman ito ni Vice at saka sinabing: “This is DISGUSTING!!! Hoy DFA Ali Mall ang garapal nitong ahensya ng gobyerno na ito!!!”
This is DISGUSTING!!! Hoy DFA Ali Mall ang garapal nitong ahensya ng gobyerno na ito!!! https://t.co/RQCTx3jRCO
— jose marie viceral (@vicegandako) February 5, 2016
Kasunod nito, tila pabiro naman hirit ng It's Showtime host: “Langya magpalabas ba ng pirated na A Second Chance e meron namang pirated na Beauty and the Bestie!!! Chozzzz!”
Langya magpalabas ba ng pirated na A Second Chance e meron namang pirated na Beauty and the Bestie!!! Chozzzz! #NoToPiracy
— jose marie viceral (@vicegandako) February 5, 2016
Pero kapansin-pansin ang paggamit ni Vice ng #NoToPiracy sa post na ito bilang panawagan sa pagbabawal ng pagtangkilik sa mga pirated copy ng mga pelikulang Pilipino.