Kasalukuyang isinasagawa ng Commission on Elections (Comelec) ang simula ng nationwide mock elections sa 21 lugar sa bansa para sa nalalapit na 2016 elections.
Kabilang dito ang Appari, Tuguegarao, Alaminos, Quezon City first district, Dagupan City, Pateros, Taguig City, Manila City fifth district, Sorsogon City, Kalibo, Matnog, Malay, Cebu City first district, Malay, Santander, Dipolog, Surallah, Sindangan, Sulu, General Santos City, at Basilan.
Pinangunahan ni Comelec Chairman Andres Bautista ang pagsagawa ng mock elections sa H.J. Elementary School sa Malate, Manila.
COMELEC Chairman Bautista Watches the ongoing 2016 Mock Election Here in H. Atienza Elementary School. #PiliPinas pic.twitter.com/3Jr2K6WCtM
— COMELEC (@COMELEC) February 12, 2016
Makikita rin ang proseso ng pagboto ng botante—pag-fill up ng balota ng mga botante at pag-verify ng mga ito sa pamamagitan ng vote count machines (VCMs).
Mismong opisyales ng Election Board of Inspectors ang namumuno sa mga mga naitalagang lugar para sa naturang mock elections.
Ongoing Mock Election at Gen. R. Papa Sr. MHS-Main, Taguig City pic.twitter.com/ADfyB1JWtP
— COMELEC (@COMELEC) February 13, 2016
Nagsimula ang nationwide mock elections kaninang 7 a.m. at magtatapos 5 p.m. ngayong Sabado, February 13.
Kamakailan lang ay inalmahan ng ilang presidential candidates ang napabalitang delay at technical glitches sa ilang Precinct Count Optical Scan (PCOS) machines.
Gayunpaman, layunin ng Comelec na makakatulong ang pagsagawa ng nationwide mock elections bilang paghahanda sa nakatakdang May 9 nationwide elections.
Inaasahang mahigit 25,000 botante ang lalahok sa nationwide mock elections ngayong araw.
Mock elections ongoing! #PiliPinas pic.twitter.com/6WF3dCMIv1
— James Jimenez (@jabjimenez) February 13, 2016