Muling nagkita si James Reid at ang ina nitong si Maria Aprilyn Marquinez o Mommy Ella sa London, England, nitong nakaraang Sabado, March 26.
Nakatakdang mag-show si James at ang real-life girlfriend nitong si Nadine Lustre sa ExCeL (Exhibition Center London) kinagabihan para sa kanilang JaDine In Love World Tour 2016.
Nakatira na ngayon sa Scotland, United Kingdom, ang mommy ni James.
Hiwalay na ito sa Australian father ni James mula noong dalawang taon pa lamang ang Kapamilya star.
Sa Twitter, sabi ni James: “Mum came to my show in London :) Don't cry cuz I love you!”
May kasama pa itong larawan nilang dalawa.
Mum came to my show in London :)
— James Reid (@JayeHanash) March 26, 2016
Don't cry cuz I love you! @macdonald272015 pic.twitter.com/jh4kfFjj6h
Halos mangiyak-ngiyak din ang ina ni James habang pinapanood ang anak sa entablado.
Malaki naman ang pasasalamat ni Mommy Ella sa JaDine fans sa UK dahil sa naging tulong ng mga ito upang muli silang magkita ng panganay na anak.
I am so Happy and Thank you so much WELOVEJADINEUK, for making this happen. https://t.co/hUgr8Cq3VV
— Ella MCM (@macdonald272015) March 28, 2016
Very "happy and proud" daw siya sa tagumpay ng anak.
Happy and Proud, :) https://t.co/B39ScyQE72
— Ella MCM (@macdonald272015) March 25, 2016
Samantala, bago pa man ang show nila noong Sabado, nakipagkita muna sina James at Nadine sa Filipino nurses na nagtatrabaho sa London.