Iba't ibang komento ang natanggap ni Rochelle Pangilinan tungkol sa confrontation scene nila ni Bianca Umali sa episode ng GMA afternoon soap na Wish I May kahapon, April 14.
Sa episode na pinamagatang "Hurting Cacai," sinampal at sinabunutan ni Rochelle si Bianca dahil nalaman ng kanyang karakter ang tungkol sa relasyon ng asawa niyang si Tristan (Mark Anthony Fernandez) kay Olivia (Camille Prats).
Sa kanyang Twitter account, ni-retweet ni Rochelle ang isa sa mga positibong reaksiyon na nakuha niya sa nakapanood ng naturang episode.
Grabe ung slap mo @I_am_ROC08 kay @BankyUmali sobrang haaard!! Pero grabe ang galing pa din Kudos to these great actresses #WIMHurtingCacai
— aldubinfinity (@maidenaddicts_) April 14, 2016
Pero tila hindi naman napigilan ni Rochelle na sagutin ang mensahe sa kanya ng fan nina Bianca at Miguel Tanfelix, na apektado sa ginawang pananakit ng dancer-actress sa young actress para sa teleserye.
“Lakas niyo po sumampal @I_am_ROC08 ,ang sakit sakit para samin yung mga Biancaddicted at Team BiGuel,” sabi ng fan.
Sinagot naman ito ni Rochelle sa pamamagitan ng pagpuri sa kanyang kasamahan at bida sa teleseryeng Wish I May.
Be proud sa idol nyo dahil napaka professional,kahit alam nyang malakas ako sumampal pumayag pa rin sya,walang daya! https://t.co/dc61PZZn4n
— Rochelle pangilinan (@I_am_ROC08) April 15, 2016
Ano ang masasabi ninyo sa eksenang ito, PEPsters?