Napili na ang Filipina beauties na lalahok sa international pageants ngayong taon sa ginanap na Binibining Pilipinas 2016 coronation night nitong Linggo, April 17, sa Smart-Araneta Coliseum.
Kinoronahan bilang Miss Universe-Philippines si Maxine Medina (Candidate No. 29) na sasali ngayong taon sa Miss Universe.
Ang crowd favorite namang si Kylie Verzosa (Candidate No. 31) ang hinirang Bb. Pilipinas-International.
Si Joanna Eden (Candidate No. 13) ang napiling Bb. Pilipinas-Supranational; si Jennifer Hammond (Candidate No. 26) ang nakakuha ng Bb. Pilipinas-Intercontinental title; at si Nicole Cordoves (Candidate No. 11) ang nanalo sa titulong Bb. Pilipinas-Grand International.
Ang kapatid ni Bb. Pilipinas-Universe 2009 Bianca Manalo na si Nichole Marie Manalo (Candidate No. 28) ang itinanghal na Miss Globe Philippines.
First runner-up naman si Angelica Alita (Candidate No. 38) at second runner-up si Jehza Huelar (Candidate No. 37).
Nakapasok naman sa Top 15 sina Vina Openiano (Candidate No. 16), Riana Pangindian (Candidate No. 5), Apriel Smith (Candidate No. 22), Roshiela Tobias (Candidate No. 9), Kimberle Penchon (Candidate No. 4), Dindi Pajares (Candidate No. 27), at Edjelyn Joy Gamboa (Candidate No. 12).
Sinimulan ang coronation night sa pagbibigay ng special awards:
Miss Friendship - Candidate #16 Vina Openiano
Miss Talent - Candidate #16 Vina Openiano
Best in National Costume - Candidate #3 Angela Fernando
Miss Photogenic - Candidate #31 Kylie Verzosa
Miss Philippine Airlines - Candidate #29 Maxine Medina
She's So Jag Jeans Award - Candidate #31 Kylie Verzosa
Best in Swimsuit - Candidate #13 Joanna Eden
Sina Xian Lim at KC Concepcion ang nag-host ng coronation night ng Binibining Pilipinas 2016.
Kakaiba ang naging question and answer ng mga kandidata ngayong taon dahil sa halip na ang mga kandidata ang bubunot ng judge na magtatanong sa kanila, ang mga hurado ang bumunot ng mga pangalan ng mga kandidatong kanilang tatanungin.
Kabilang sa mga judge si Miss Universe 2nd runner-up Olivia Jordan, film and TV actor Ian Veneracion, at ang anak ni Mar Roxas na si Paolo Roxas.