Pinag-aaralan ngayon ng Queen of All Media na si Kris Aquino ang kanyang legal options laban sa isang skin care company na gumagamit ng kanyang pangalan upang i-promote ang kanilang mga produkto.
Ibinahagi sa kanya ng talent at events manager na si Girlie Rodis ang link mula sa isang artikulo na nagsasabing dalawang skin care products ang ineendorso ni Kris.
Agad naman itong itinanggi ng Kapamilya star sa kanyang Instagram at sinabing hindi nito alam ang produkto at hindi pa niya nasusubukan ang mga ito.
Kasunod nito, nag-post ng litrato si Kris ng mga produktong kasalukuyang ginagamit niya at bitbit sa kanyang bakasyon sa Aulani, Hawaii.
Ang caption ni Kris: "I took a picture of what's in my bathroom countertop.
"It's after 11 PM here in Hawaii, so obviously these are really products I use- mahirap magpanggap especially pag hindi walking distance ang shopping mall. FYI SKII is owned by P&G.
"The other skin care products are from my dermatologist Dra. Javellana. ??? GOOD NIGHT na & happy weekend. ???"
Nitong nakaraang March, inanunsiyo ni Kris na pansamantala siyang aalis sa showbiz.
Kasunod nito, ibinahagi ni Kris ang planong magbakasyon siya, kasama ang mga anak niyang sina Josh at Bimby, sa iba't ibang destinasyon. Isa na nga rito ang Hawaii.
Kris Aquino on showbiz hiatus: 'Lungkot na lungkot din po ako.'