Sumagot si Lea Salonga nang matanong tungkol sa kanyang working relationship kay Sharon Cuneta sa The Voice Kids Season 3.
Sa pamamagitan ng Twitter, nagpa-question-and-answer ang Broadway star sa kanyang followers ngayong umaga ng Miyerkules, June 1.
Isa sa mga paksang tinalakay ay ang pinakabagong coach/judge ng reality-based kiddie talent show na si Sharon, na pumalit kay Sarah Geronimo.
Kahapon, May 31, nauna nang tinanong si Lea kung scripted ba ang sagutan at interaksiyon ng mga coach/judge.
Ayon kay Lea, kadalasan ay hindi scripted ang sagutan ng mga hurado.
@piaaciudadano Very little of it, like the questions for the kids. But the banter is spontaneous. We have to be quick to catch one another.
— Lea Salonga (@MsLeaSalonga) May 31, 2016
Sundot na tanong ng isang netizen, may ilangan ba sa pagitan nila ni Sharon na pumasok bilang bagong coach ngayong third season?
Sagot ni Lea, walang ilangan sa kanila ng Megastar dahil matagal na nilang kilala ang isa't isa.
@Iammimiace For me, no. Sharon and I have known each other a long time, so awkwardness wasn't an issue.
— Lea Salonga (@MsLeaSalonga) June 1, 2016
Sobrang masaya raw kasama si Sharon tuwing episode dahil tawa lang sila nang tawa.
@iLoveLea_Dawn Sobra. Super laugh trip lang tuwing taping ng Blinds.
— Lea Salonga (@MsLeaSalonga) June 1, 2016
Umiwas naman ang Broadway star nang pinapili sa pagitan nina Sarah at Sharon.
Aniya, magkaibang-magkaiba ang dalawang at gustung-gusto niya pareho ang mga ito.
@CrazyMofos_sai Ay walang ganyanan. They're very different and I like them both very much.
— Lea Salonga (@MsLeaSalonga) June 1, 2016