Pinabulaanan ni Timothy Tan, estranged husband ng aktres na si Sunshine Dizon, na sa kanya ang Twitter account na @tantim99.
Kumalat kasi sa social media ang post na ito ng naturang Twitter account: "Set me free! Let's make it our separation legit. Let's both be happy. Hindi lang ikaw ang nasasaktan."
Set me free! Let's make it our separation legit. Let's both be happy. Hindi lang ikaw ang nagsasaktan.
— John Timothy Tan (@tantim99) June 21, 2016
Ito ay tila patungkol sa pinagdadaanang problema nina Timothy at Sunshine sa kanilang pagsasama bilang mag-asawa.
Ngunit nang tanungin ng PEP.ph (Philippine Entertainment Portal) si Timothy tungkol sa naturang Twitter post na pinaniniwalaang sa kanya, sinabi ng piloto: "I don't have twitter."
Base sa pagsasaliksik ng PEP, ang @tantim99 Twitter account, na pag-aari ng isang John Timothy Tan, ay noon pang 2011 ginawa o limang taon na ang nakalilipas.
Mayroon itong 269 followers at 24 lamang ang kanyang pina-follow.
Ngunit kapansin-pansin na tatlo lamang ang bago niyang posts mula noong August 21, 2014.
MARITAL PROBLEM. Matatandaang nitong nakaraang Biyernes, June 17, isiniwalat ni Sunshine na may problema sa pagsasama nila ni Timothy.
Tinukoy rin niya ang pangalan ng babaeng diumano'y sangkot sa gulo ng kanilang relasyon.
Read: Sunshine Dizon posts cryptic messages on Instagram about mystery woman
Sa kanya namang naunang pahayag, sinabi ni Timothy na napagkasunduan nila ni Sunshine na tapusin na ang kanilang samahan at nakatakda silang dumaan sa proseso ng annulment.
Read: Sunshine Dizon's husband confirms marital problems; reveals plan to file for annulment
Ngunit sa isang post sa Instagram, sinabi ni Sunshine na hindi niya ibibigay ang hiling ng asawa at magkikita na lamang sila sa korte.
Read: Sunshine Dizon to husband Timothy Tan: 'There is no forgiveness for what you did.'
Read: Is this Clarissa Sison's answer to Sunshine Dizon's accusations?
Mananatiling bukas ang PEP sa lahat ng nabanggit na pangalan sa artikulong ito para sa kanilang panig.