Bagamat may dalawa nang naunang anak, may ilan pa rin daw mga bagong natututunan si Ryan Agoncillo pagdating sa bunsong anak nila ni Judy Ann Santos na si Luna.
Aniya, “Kasi, when Yohan was growing up, we're such a young couple and siya ang napag-practice-an.
“By the time Lucho came around, we're a bit experienced.
“Now, with Luna, iba na naman.
“It also helps that we're older, we don't get easily surprised as when Yohan was growing up.
“It also helps that Yohan and Lucho were ready to be ate and kuya so we can concentrate talaga on raising our bunso.”
Nakausap ng PEP.ph (Philippine Entertainment Portal) si Ryan matapos siyang maipakilala bilang bagong brand ambassador ng Neurobion kahapon, June 27.
FAMILY REMAINS THE PRIORITY. Bukod sa pagiging regular host ng Eat Bulaga!, napapanood din si Ryan sa weekly comedy series na Ismol Family sa GMA-7 pa rin at sa game show ng AXN na Cash Cab.
Bagamat minsan ay abala sa trabaho, hindi naman daw nagbabago ang pagbibigay-prayoridad niya sa kanyang pamilya.
Saad niya, “Since we got married, ako, siyempre gusto ko to provide for my family.
“But there's also a conscious effort, hindi naman limitahan, pero piliin yung mga sitwasyon sa trabaho.
“When I got married, it was the same year I joined Eat Bulaga!
“Tapos, Eat Bulaga! presented to me a very favorable schedule, Monday to Saturday, basically half day of work.
“I can do more work after or more work before.
“Also, there are days when I choose to spend more time with my kids. My schedule now affords me to really be a father.”
Kaugnay nito, bilang magulang, lagi raw tinitiyak nina Ryan at Judy Ann na maglaan ng oras sa kanilang mga anak.
Ayon kay Ryan, “I try as much as possible to be home by sunset.
“Like today, Yohan was asking me over breakfast what time I'll be off, she was saying, 'Sana may dinner.'
“I'm happy that my children grew up knowing that they could expect us during dinner or kunwari we had a long day, they could expect us at the breakfast table.
“Yun ang adjustments as parents. The adjustments continue as we go along.”
Samantala, nang tanungin kung may posibilidad bang masundan pa ang kanilang five-month-old daughter na si Luna, napangiti si Ryan.
“Well, that depends on my wife. Sabi nga niya, 'under renovation' pa siya.
“Pero the production never stops, you know!” natatawang sabi niya sa huli.