Isang araw matapos siyang bumaba sa puwesto bilang pangulo ng Pilipinas, sasalubong naman kay former President Noynoy Aquino ang homicide cases na isasampa laban sa kanya ng mga kaanak ng tinaguriang SAF44.
Ang SAF44 ay ang mga sundalong napatay sa engkuwentro noong January 15, 2015 sa Mamasapano, Maguindanao, o kilala rin bilang Mamasapano massacre.
Sa ipinadalang email sa PEP.ph (Philippine Entertainment Portal) at ilan pang media ni Atty. Ferdinand Topacio, sinabi ritong maghahain sila ng reklamong homicide laban sa dating Pangulo sa Office of the Ombudsman bukas, July 1.
Bukod kay Aquino, kasama rin sa sasampahan ng reklamo si dating Philippine National Police chief Allan Purisima at dating Special Action Force (SAF) Director General Getulio Napenas.
Maaari namg sampahan ng anumang reklamo si Noynoy matapos ang kanyang anim na taong immunity from suit, bilang pangulo, sa pagtatapos ng kanyang termino ngayong araw, June 30.