Viral ngayon sa social media ang larawan ni Piolo Pascual kung saan yakap-yakap siya ng anak na si Inigo Pascual habang natutulog ang huli.
Ang iba ay humahanga sa magandang relasyon ng mag-ama.
Sweet naman nitong mag-amang Piolo and Inigo! pic.twitter.com/aDxqpT5Xtn
— LRNZ (@theenzoibarra) July 22, 2016
Kakatuwa talaga si Piolo at Inigo ?????? #FatherAndSon pic.twitter.com/zRv45pOvEJ
— Rus 10 (@rus10p) July 23, 2016
Pero may ilang netizens na marumi kung mag-isip, nilagyan ng malisya ang nasabing larawan, at ginawan pa ng kuwento.
"MAINGGIT NA LANG SILA." Sa 15 Silkamazing Years event ng Silka—kung saan si Piolo ang main endorser—na ginanap sa Trinoma Activity Center kagabi, July 23, inusisa ng PEP.ph (Philippine Entertainment Portal) ang aktor tungkol sa larawan nila ng anak na pinaglaruan sa Twitter.
Pero parang balewala lang ito sa Kapamilya star.
Nakangiti pa niyang sagot, “Hindi na… kumbaga hindi ko na pinagtakahan yun.
“Yun talaga yung nature ng tao, e, mapag… masama yung mapagduda.
“E, my son didn’t see me for two months, you know, so ganun kami.
“Ganun kami ka-affectionate sa isa’t isa so mainggit na lang sila, di ba?”
Sinabi rin ni Piolo na hindi na siya pumapatol sa bashers at haters sa social media.
Aniya, “Sa tagal ko ba naman sa industriya, papatol pa ba tayo?
“Ipinagkibit-balikat na lang yun at mas maraming may kuwentang gawin sa buhay kaysa pumatol.”