Ibinahagi ng Kapuso star na si Louise delos Reyes sa Instagram ang pagtatagpo nila ng international singer na si Selena Gomez sa backstage ng MOA Arena, bago ginanap ang concert ni Selena na Revival Tour nitong nakaraang Linggo, July 31.
Kalakip ng larawan nila ni Selena, ikinuwento ni Louise na ang singer pa ang unang bumati sa kanya nang magkita sila backstage.
Pinuri rin daw ng sikat na American singer ang kasuotan ni Louise at sinabing yayakapin siya nito.
Inilahad ni Louise na nabigyan siya ng access sa backstage at nabigyan ng pagkakataong makaharap si Selena matapos siyang manalo sa raffle draw ng isang sikat na shampoo brand.
Bukod kay Louise, isa rin ang Kapamilya star na si Liza Soberano na masuwerteng nakaharap si Selena sa backstage at nakapagpakuha ng picture.
Marami ring artista ang nanood ng concert kagaya nina Maine Mendoza, Janine Gutierrez, Maxene Magalona, Bela Padilla, Sarah Lahbati, at Christian Bautista.
Read: Maine Mendoza, LizQuen spotted at Selena Gomez Manila concert