Kumalat ngayong Huwebes ng umaga, Agosto 4, ang balitang naitalaga na raw si Mocha Uson bilang social media consultant ng Bureau of Customs (BOC).
Ayon sa ulat ng ABS-CBN News online, sinabi ni BOC Commissioner Nicanor Faeldon na si President Rodrigo Duterte raw ang mismong nagtalaga sa lider ng grupong Mocha Girls.
Kilala si Mocha bilang isang die-hard Duterte supporter.
FULL STORY: Mocha Uson named Customs consultant https://t.co/knulJx4jP7 pic.twitter.com/6IfpAmR4iJ
— ABS-CBN News (@ABSCBNNews) August 4, 2016
Ngunit ilang minuto lang ang nakalilipas, nag-tweet ang BOC upang pabulaanan ang report na in-appoint ni Customs Commissioner Faeldon si Mocha.
JUST IN: Comm. Nicanor Faeldon will not appoint Mocha Uson as BOC Social Media Consultant but she can write articles about BOC on her blog.
— Bureau of Customs PH (@CustomsPH) August 4, 2016
Matapos itanggi ng BOC ang appointment kay Mocha, may kumalat namang balita na nag-volunteeer lang daw ang sexy star na magpakalat ng impormasyon sa kampanya ng ahensiya laban sa kurapsiyon at katiwalian sa ahensiya.
Marahil, nag-ugat ang naturang balita sa post ni Mocha sa kanyang blog tungkol sa panayam niya kay Faeldon.