Isinilang na ng Italian girlfriend ni James Yap na si Michela Cazzola ang una nilang anak na si Baby Michael James.
Bandang 6:55 P.M. ngayong Lunes, Agosto 8, nang ipanganak ni Michela ang sanggol sa St Luke’s Medical Center sa Bonifacio Global City, Taguig City.
Base ito sa ulat ni Ginger Conejero na nailathala sa ABS-CBN News Online ngayong gabi.
Kamakailan lang ay buong-pagmamalaking ibinahagi ni James ang larawan nila ni Michela sa Instagram.
Dito ay makikita ang pagiging sexy preggy ni Michela na nakasuot pa ng black bandeau top at matching long skirt.
Ito na ang ang pangatlong anak ng star cager na si James.
Ang una ay sa dati niyang non-showbiz girlfriend, at ang pangalawa ay si James 'Bimby' Aquino Yap na anak niya sa dating asawa na si Kris Aquino.